ينۆەستيتسيالىق كەلىسىمشارتقا دەيىن بيىل ساۋىردە «Kazakh Invest» ۇك» اق مەن Mareven Food Holdings Limited اراسىندا ءوزارا تۇسىنىستىك تۋرالى مەموراندۋمعا قول قويىلعان بولاتىن. ونىڭ ماقساتى باسىم ينۆەستيتسيالىق جوبالاردى قولداۋ جانە قازاقستان تاراپىنان ونى ىسكە اسىرۋ ءۇشىن قولايلى جاعدايلار جاساۋ بولىپ تابىلادى, دەپ حابارلايدى ينۆەستيتسيالار جانە دامۋ مينيسترلىگىنىڭ رەسمي سايتى.
قازاقستان رەسپۋبليكاسىنىڭ كاسىپكەرلىك كودەكسىنە سايكەس ينۆەستيتسيالىق كەلىسىمشارت جاساعان كەزدە ينۆەستوردىڭ ەسەپتەلگەن كورپوراتيۆتىك تابىس سالىعىنىڭ سوماسىن 100%-عا ازايتۋ, جەر سالىعى مولشەرلەمەلەرىنە 0 كوەففيتسيەنتىن قولدانۋ جانە م ۇلىك سالىعىن سالىق بازاسىنا 0 پايىز مولشەرلەمەسى بويىنشا ەسەپتەۋ سياقتى جەڭىلدىكتەر الۋعا قۇقىعى بار. سونداي-اق, كەدەندىك باجدار سالۋدان بوساتىلاتىن تەحنولوگيالىق جابدىقتىڭ قوسالقى بولشەكتەرى, شيكىزات جانە (نەمەسە) ماتەريالدار يمپورتى كەزiندە كەدەندىك باجدار سالۋدان بوساتۋ ينۆەستيتسيالىق كەلiسiمشارتتىڭ قولدانىلۋ مەرزiمiنە, بiراق ينۆەستيتسيالىق كەلiسiمشارت تiركەلگەن كەزدەن باستاپ بەس جىلدان اسپايتىن مەرزiمگە بەرiلەدi.
Mareven Food Holdings Limited ازىق-ت ۇلىك ونىمدەرىن ءوندىرۋ جانە جارتىلاي فابريكاتتاردى كەڭىنەن تۇتىنۋ ينفراقۇرىلىمدىق جوبالارىنا, اۋىل شارۋاشىلىعى ونىمدەرىن قايتا وڭدەۋ, سونداي-اق تىكەلەي ينۆەستيتسيالار بويىنشا قازىرگى زامانعى جۇيەلەردى وڭىرلەردە ديستريبۋتسيا قۇرۋعا جانە دامىتۋعا ماماندانعان. حولدينگ اكتسيونەرلەرىندە 70-تەن استام ەلدە ينۆەستيتسيالىق جوبالاردى ىسكە اسىرۋ بويىنشا تابىستى تاجىريبەلەرى بار.
2015 جىلى «مارەۆەن فۋد تيان-شان» كومپانياسى قازاقستاندا ينۆەستيتسيالىق جوبانى ىسكە قوستى. بۇل جوبا – الماتى وبلىسىنىڭ اۋماعىندا تاماق ونىمدەرى مەن جارتىلاي فابريكاتتار وندىرەتىن زاۋىت قۇرىلىسىن قامتيدى. جوبالىق قۋاتىنا شىققانعا دەيىنگى قازاقستانداعى جالپى ينۆەستيتسيالىق كولەمى بىرنەشە ونداعان ميلليون اقش دوللارىن قۇرايدى. سونىمەن قاتار, كومپانيا جەرگىلىكتى وندىرۋشىلەر شىعارعان جوعارى ساپالى ازىق-ت ۇلىك ونىمدەرى مەن جارتىلاي فابريكاتتاردى قول جەتىمدى باعامەن ۇسىنىپ, قازاقستاننىڭ ىشكى نارىعىن قامتاماسىز ەتۋگە جانە ەۋرازيالىق ايماقتاعى كورشى ەلدەرگە ەكسپورتتاۋعا مۇمكىندىك بەرەدى. شيكىزاتتىڭ نەگىزگى ۇلەسى قازاقستاندىق جەتكىزۋشىلەردەن ساتىپ الىناتىن بولادى. جوبا 600-گە جۋىق جەرگىلىكتى حالىقتى جاڭا جۇمىس ورنىمەن قامتۋعا مۇمكىندىك بەرەدى. ينۆەستيتسيالىق كەلىسىمشارت جاساۋ پروتسەسسىن زاڭدىق تۇرعىدا EY قازاقستان حالىقارالىق كونسالتينگتىك كومپانياسى جۇزەگە اسىرادى.
قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينۆەستيتسيا كوميتەتى «Kazakh Invest» ۇلتتىق كومپانياسى ارقىلى «مارەۆەن فۋد تيان-شان» جشس-نە جوبانى ىسكە اسىرۋ بارىسىندا تۋىنداعان ماسەلەلەردى شەشۋگە قولداۋ كورسەتەدى. قازىرگى ۋاقىتتا قىزمەتتىڭ باسىم تۇرلەرى ءتىزىمىن كەڭەيتۋ بويىنشا قر زاڭناماسىنا وزگەرىستەردى ەنگىزۋ, سونداي-اق سالىق كودەكسىنەن كومپانيانىڭ ينۆەستيتسيالىق قىزمەتىنە كەدەرگى جاسايتىن كەيبىر نورمالار جانە شەكتەۋلەردى جويۋ بويىنشا جۇمىس جۇرگىزىلۋدە.
«Kazakh Invest» كومپانياسى «ينۆەستورعا كەدەرگى جاساماي كومەكتەسۋ» ۇستانىمىنا سۇيەنە وتىرىپ, ءاربىر ينۆەستيتسيالىق جوبانى جۇزەگە اسىرۋ بارىسىندا شەتەلدىك ينۆەستورلارعا تولىق قولداۋ كورسەتەتىن بولادى. ينۆەستورلار ارقاشان كومپانيانىڭ +7 (727) 620620 تەلەفونىنا نەمەسە invest@invest.gov.kz ەلەكتروندى پوشتاسىنا حابارلاسىپ, قازاقستاننىڭ ينۆەستيتسيالىق جانە بيزنەس جۇرگىزۋ اسپەكتىلەرى بويىنشا كاسىبي كەڭەس الا الادى.
