ۇلت جوسپارىنىڭ 33-قادامىن ورىنداۋدا مەملەكەت باسشىسى 2016 جىلعى 30 جەلتوقساندا «پروباتسيا تۋرالى» زاڭعا قول قويدى جانە ول 2017 جىلعى 17 قاڭتاردا كۇشىنە ەندى. زاڭ سوتقا دەيىنگى, ۇكىمدىك, پەنيتەنتسيارلىق جانە پەنيتەنتسيارلىقتان كەيىنگى پروباتسيانىڭ تۇرلەرىن قاراستىرادى. پروباتسيانىڭ ماقساتى – كۇدىكتىنىڭ, ايىپتالۋشىنىڭ مىنەز-قۇلقىن تۇزەۋ, سوتتالعان ادامدى الەۋمەتكە قوسۋ, قىلمىستىق-اتقارۋ جۇيەسىنىڭ مەكەمەسىنەن بوساتىلعان ادامدى الەۋمەتتىك بەيىمدەۋ جانە وڭالتۋ ارقىلى قوعامنىڭ قاۋىپسىزدىگىن قامتاماسىز ەتۋگە جاردەمدەسۋ, دەدى ب.تورەمۇراتوۆ.
سپيكەردىڭ سوزىنشە, پروباتسيانى جۇزەگە اسىرۋعا قاتىسۋدا ازاماتتار, قوعامدىق بىرلەستىكتەر جانە وزگە دە زاڭدى تۇلعالار ماڭىزدى رولگە يە. ولاردىڭ پروباتسيانى ىسكە اسىرۋعا قاتىسۋى ەرىكتى تۇردە الەۋمەتتىك-قۇقىقتىق كومەك كورسەتۋگە جاردەمدەسۋ جولى ارقىلى بولادى. كەشەندى ستراتەگيانى ىسكە اسىرۋ جونىندەگى ءىس-شارالار جوسپارىنىڭ 2-تارماعى نەگىزىندە باس بوستاندىعىنان ايىرۋ ورىندارىنان بوساپ شىققان ادامداردى جۇمىسقا جانە تۇرمىستىق ورنالاستىرۋ بويىنشا «قاقپا الدىندا كەزدەسۋ» الەۋمەتتىك جوباسى ازىرلەنىپ, قازىرگى ۋاقىتتا ەلىمىزدىڭ بارلىق ايماعىندا ىسكە اسىرىلىپ جاتىر. الەۋمەتتىك جوبا وسى ۋاقىتقا دەيىن زەردەلەنگەن تاجىريبە مەن مۇددەلى مەملەكەتتىك ورگانداردىڭ, ۇەۇ-لاردىڭ ۇسىنىسى ەسكەرىلە وتىرىپ, ازىرلەندى. اتالعان جوبانىڭ ماقساتى – سوتتالعانداردى باس بوستاندىعىنان ايىرۋ ورىندارىنان بوساتىلعاننان كەيىنگى العاشقى كۇندەرى قوعامدا الەۋمەتتىك بەيىمدەۋ ءۇشىن جاعدايلار جاساۋ, دەدى كوميتەت توراعاسىنىڭ ورىنباسارى.
مۇنىمەن قوسا, ءبىرىنشى نەمەسە ەكىنشى توپتاعى مۇگەدەكتەر, سونداي-اق 63 جاستان اسقان ەرلەر مەن 58-دەن اسقان ايەلدەر وزدەرىنىڭ جازباشا وتىنىشىمەن جانە مەكەمەنىڭ ۇسىنىمىمەن الەۋمەتتىك قورعاۋ ورتالىقتارى ارقىلى مۇگەدەكتەر مەن قارتتار ۇيىنە جىبەرىلەتىنى ايتىلدى. الەۋمەتتىك كومەككە مۇقتاج وزگە دە ادامدار وزدەرىنىڭ جازباشا وتىنىشىمەن جانە مەكەمەنىڭ ۇسىنىمىمەن الەۋمەتتىك بەيىمدەۋ ورتالىقتارىنا جولدانادى», دەدى ب.تورەمۇراتوۆ.
