بۇگىندە «مەرەي» ونەر مەكتەبىندە جۇمىس ىستەيتىن 4 بولىمدە 270 بالا اسپاپتا ويناۋ, حورەوگرافيا, سۋرەت سالۋ, ۆوكال سىنىپتارىندا ءوز شەبەرلىكتەرىن جەتىلدىرىپ ءجۇر. ولارعا 20 تاجىريبەلى مۇعالىم ساباق بەرەدى.
– وقۋشىلاردى 5 جاستان قابىلدايمىز. ياكور جانە سوكولوۆكا ەلدى مەكەندەرىندە بولىمشەلەرىمىز بار. ولاردا بالعىندار حورەوگرافيا جانە فورتەپيانو سىنىپتارىندا وقيدى. جاقىندا «بالاۋسا» جاس دومبىراشى قىزدار ءانسامبلى قۇرىلدى, – دەيدى ونەر مەكتەبىنىڭ ديرەكتورى ءاليا سەڭكىباەۆا.
ايتپاقشى, «Gold accordion» بايقاۋىنان جۇلدەلى ەكىنشى ورىنمەن ورالعان الەنا راكوۆا ارگەنتينالىق تانگونى ناقىشىنا كەلتىرە ورىنداپ, ەلوردالىق كورەرمەندەردى تاڭ-تاماشا ەتىپتى. بۇعان الماتىدا ۇيىمداستىرىلعان حالىقارالىق بايقاۋعا ۇكىلەپ قوسقان جاس قىلقالام شەبەرلەرىنىڭ تۋىندىلارى دا ۇسىنىلىپ, ۇزدىكتەر قاتارىنان كورىنگەنىن قوسساق, ەركىن ەلدىڭ ەرتەڭگى ءىزباسارلارىنا دەگەن سەنىم وتى سونبەسى انىق.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى,
قىزىلجار اۋدانى
