مەرەكەلىك جيىنعا پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ, قالالىق ءبىلىم باسقارماسى باسشىسىنىڭ مىندەتىن اتقارۋشى ءانۋار جانعوزين, وسى مەكتەپتە ءبىلىم العان تۇلەكتەر, ارداگەر ۇستازدار مەن اتا-انالار قاتىسىپ, جىلى لەبىزدەرىن ءبىلدىردى.
مەرەيتويلىق جيىنعا قاتىسۋشىلار الدىمەن مەكتەپ تاريحىنان سىر شەرتەتىن مۇراجايدى جانە وقۋشىلار شىعارماشىلىعىنا ارنالعان ءبىلىم كورمەسىن تاماشالاۋدان باستالدى. سونداي-اق, مەكتەپ اۋلاسىندا قازاق كۇرەسى, كاراتە-دو, توعىزقۇمالاقتان سپورتتىق سايىستار ءوتتى.
جىر الىبى جامبىل جاباەۆتىڭ ەسىمىمەن اتالاتىن ءبىلىم وشاعىندا تۇراقتى تۇردە اقىندار ايتىسىن وتكىزىپ تۇرۋ بۇل مەكتەپتىڭ داستۇرىنە اينالعان دەسەك تە بولادى. وسى جولى دا مەكتەپتىڭ تۇلەگى سىرىم اۋەسحان سەكىلدى بىرنەشە رەسپۋبليكالىق اقىندار ايتىسىنىڭ جۇلدەگەرلەرى مەن وقۋشىلاردان قۇرالعان اقىنداردىڭ 4 جۇبى ونەر كورسەتتى. شارا سوڭى مارجان اراپباەۆا باستاعان ەسترادا جۇلدىزدارىنىڭ ورىنداۋىنداعى كونتسەرتتىك باعدارلامامەن جالعاسىن تاپتى.
الماس ماناپ,
«ەگەمەن قازاقستان»
