يىق تەڭەستىرىپ, تىزە قوسىپ...

«ىلە» وقۋ ورتالىعىندا «دالا قىرانى – 2011» حالىقارالىق تاكتيكالىق-ارنايى بىتىمگەرلىك وقۋ-جاتتىعۋلارى اياقتالدى. 8-18 تامىز ارالىعىندا وتكىزىل­گەن بۇل جاتتىعۋلارعا 1400-دەن استام اسكەري قىزمەتشى, جۇزگە جۋىق جاۋىنگەرلىك جانە ارنايى تەحنيكا, سونداي-اق اسكەري-كولىكتىك اۆياتسيا قاتىستىرىلدى. سالتاناتتى شاراعا قاتىسقان قورعانىس ءمينيسترىنىڭ ءبىرىنشى ورىنباسارى – قورعانىس مينيسترلىگى شتابتار باستىقتارى كو­ميتەتىنىڭ توراعاسى گەنەرال-پولكوۆنيك ساكەن جاسۇزاقوۆ ءوز ءسو­زىندە امەريكالىق جانە بري­تان­دىق اسكەريلەردىڭ قاتىسۋىمەن «دالا قىرانى» كوپۇلتتى بىتىمگەرلىك جاتتىعۋلارىن وتكىزۋ جاق­سى ءداس­تۇرگە اي­نالعانىن, ال قازاق­ستاندىق اسكەري قىز­مەتشىلەر ەكى اپتا بويى شەتەلدىك ءارىپ­تەستەرىمەن تى­عىز قارىم-قاتىناس ور­نا­تىپ, تاپ­سىرما­لار­دى ساۋاتتى ورىن­داي ال­عانىن اتاپ ءوتتى. بيىل­عى جىلى جا­ت­تىعۋعا قاتىسۋشىلار سانى ارتىپ, وعان قىر­عىز رەسپۋب­ليكا­سى مەن ليت­ۆا اسكەري قىز­مەت­شىلەرى قوسىلىپ وتىر. بۇل «دالا قىرا­نىنىڭ» ۇلكەن الەۋەتكە يە ەكەندىگىن جانە ونىڭ اۋقىمى ودان ءارى دە ۇلعايا تۇسەتىنىن كورسەتەدى. بۇل پىكىردى جاتتىعۋعا قاتىسقان ەلدەر­دىڭ ەلشىلەرى مەن قۇرمەتتى قوناق­تار دا ءبىر اۋىزدان قۇپتادى. وقۋ-جاتتىعۋعا قاتىسۋشىلار قازاقستاندىق ارىپتەستەرىنە جۇك­تەلگەن تاپسىرمالاردى يىق تە­ڭەستىرە ءجۇرىپ, ءساتتى ورىنداعان­دىقتارى ءۇشىن العىستارىن جەتكىزۋدە. ءوزارا ءىس-قيمىلدار بارى­سىنداعى ۇيىمشىلدىق, دوستىق – وسىنىڭ ءبارى ولاردىڭ جۇمى­سىنا ءوز سەپتىگىن تيگىزگەنى انىق. «دالا قىرانى – 2011» حالىقارالىق تاكتيكالىق-ار­نايى بىتىمگەرلىك وقۋ-جاتتىعۋ­لارىنىڭ جابىلۋى سالتاناتتى مارشپەن جانە جاتتىعۋلاردا ەرەك­­شەلەنگەن اسكەري قىز­مەت­شىلەردى ماراپاتتاۋمەن اياق­تال­دى. ولار گراموتالارمەن, مەدالدارمەن جانە سىيكادە­لەر­مەن كوتەرمەلەندى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى. سۋرەتتى تۇسىرگەن  ەرمەك سارباسوۆ.