سۋرەت: gov.kz
اقمولا وبلىستىق ستاتيستيكا دەپارتامەنتىنىڭ دەرەكتەرى بويىنشا, بۇل وتكەن جىلدىڭ سايكەس مەرزىمىمەن سالىستىرعاندا 19 ميلليون تەڭگەگە ارتىق. بەرىلگەن نەسيەنىڭ 69,1 پايىزى قىسقا مەرزىمدى, 30,9 پايىزى ۇزاق مەرزىمدى جانە ونىڭ 100,8 ميلليون تەڭگەسى جەكە تۇلعالاردىڭ, 73,8 ميلليون تەڭگەسى زاڭدى تۇلعالاردىڭ ۇلەسىندە. جەكە تۇلعالارعا بەرىلگەن نەسيە, نەگىزىنەن تۇتىنۋ ماقساتىنا (85,5 پايىز) الىنسا, قالعان قاراجات كاسىپكەرلىك ماقساتقا (14,5 پايىز) جۇمسالعان. شاعىن نەسيەلەردىڭ 18,8 پايىزى كەپىلدىك م ۇلىكپەن قامتاماسىز ەتىلگەن.
باقبەرگەن امالبەك, اقمولا وبلىسى.
3 115 491 وبلىس وڭىرىندە جۇمىس ىستەيتىن شەتەلدىك كومپانيالاردىڭ اراسىنداعى ەڭ ءىرىسى بولىپ تابىلاتىن «سنپس-اقتوبەمۇنايگاز» اكتسيونەرلىك قوعامى بيىلعى جىلدىڭ العاشقى جارتىجىلدىعىندا وسىنشا توننا مۇناي ءوندىردى.
بۇل جوسپارلانعاننان 2661 تونناعا ارتىق. ىلەسپە گازدى يگىلىككە اينالدىرۋدا دا ىلگەرىلەۋ بار. وسى كەزەڭدە 1567118 مىڭ تەكشە مەتر گاز پايدالانىلدى. ال سىعىمدالعان گاز ءوندىرۋ 96767 توننانى قۇرادى, بۇل مەجەلەنگەننەن 11287 تونناعا كوپ. كومپانيا التى ايدا سىرتقى جانە ىشكى رىنوكتارعا 1310 ميلليون تەكشە مەتر مۇنايعا ىلەسپە گاز, 95600 توننا سىعىمدالعان گاز وتكىزدى. بيىلعى جىلدىڭ وتكەن التى ايىندا مەملەكەت بيۋدجەتىنە 120 ميلليارد تەڭگەدەن استام قارجى ءتۇستى. جالپى اكتسيونەرلىك قوعام بيىل 6180 ميلليون توننا مۇناي ءوندىرۋدى مەجەلەپ وتىر. ينۆەستيتسيا كولەمىن 600 ميلليون اقش دوللارىنا جەتكىزۋ كوزدەلۋدە. قازىر كومپانيا وسى بيىكتەردى باعىندىرۋ جولىندا جۇمىس قارقىنىن ارتتىرا ءتۇستى. بۇل ۇستىمىزدەگى جىلدىڭ العاشقى جارتىجىلدىعىنداعى وندىرىستىك كورسەتكىشتەردەن دە ايقىن اڭعارىلادى.
ساتىبالدى ءساۋىرباي, اقتوبە وبلىسى.
22 000 جاركەنتتىكتەر وسىنشاما گەكتارعا دالا ارۋىن ەگىپ, مول ءونىم الۋدى مەجەلەپ وتىر.
جۇگەرى – جاركەنتتىكتەردىڭ مول تاجىريبە جيناقتاپ, ءونىم مولشىلىعىنا نەگىز قالاعان سالاسى. اۋداندا جىلدان-جىلعا دالا ارۋىنىڭ القابى ۇلعايىپ, ءۇش جىل بۇرىن 17 مىڭ گەكتار بولسا, بيىل 22 000 گەكتاردان اسىپتى. جۇگەرى القابى جايقالىپ, كۇزدە جاقسى ءونىم الۋعا مۇمكىندىك بار ەكەنىن ايتادى ماماندار. اۋىل شارۋاشىلىعىندا اتالعان داقىلعا دەگەن سۇرانىس جوعارى. سوندىقتان, گەكتار بەرەكەلىلىگىن ارتتىرىپ, مينەرالدى تىنايتقىشتارمەن قورەكتەندىرۋگە نازار اۋدارىلسا, جۇگەرىنىڭ قاتار ارالىعىن قوپسىتۋ, وڭدەۋ جۇمىستارى قولعا الىنعان. ونىڭ سىرتىندا مينەرالدى تىڭايتقىشپەن قورەكتەندىرۋ جۇمىستارى جالعاسىپ, بيىل 15-16 مىڭ گەكتارعا 5 مىڭ تونناداي تىڭايتقىش بەرىلۋدە. ديقاندار جۇگەرىنى وتكىزۋدە كەدەرگى جوقتىعىن ايتادى. ويتكەنى, جۇگەرى قابىلداۋشىلارمەن الدىن-الا كەلىسىم جاسالعان. داقىلدىڭ بيىلعى شىعىسىن باعامداعاندار گەكتارىنان 55 تسەنتنەردەن ءونىم الۋدى ماقسات ەتۋدە.
كۇمىسجان بايجان, الماتى وبلىسى.
