«ديپلوممەن – اۋىلعا!»

قازاق ۇلتتىق اگرارلىق ۋنيۆەرسيتەتىنىڭ ۇيىمداستىرۋى­مەن  ەل تاۋەلسىزدىگىنىڭ 20 جىلدىعىنا وراي «ديپلوممەن – اۋىل­عا!» اتتى جاستار فورۋمى ءوتتى. فورۋمنىڭ ماقساتى – «ديپلوممەن – اۋىلعا!» مەملەكەتتىك باعدارلاماسىن قولداۋ, ونى ناسيحاتتاۋ. اتالمىش  جيىنعا ءال-فارابي اتىنداعى قازۇۋ,  اباي اتىن­دا­عى قازۇپۋ, ت.جۇرگەنوۆ اتىنداعى ونەر اكادەمياسى, س.اسفەندياروۆ اتىنداعى قازۇمۋ مەن قازاق مەملەكەتتىك قىزدار پەداگوگيكالىق ۋنيۆەرسيتەتتەرىنەن 100-دەن اسا بەلسەندى ستۋدەنت جاستار, «جاس وتان» جاستار قاناتىنىڭ وكىلدەرى قاتىستى. جيىنعا جينالعان جاستار ءوز ويلارىن ورتاعا سالىپ, ستۋدەنتتەردى اۋىلعا كوپتەپ تارتۋ جانە ولارعا ۇكىمەت تاراپىنان كور­سە­­­تى­لەتىن جەڭىلدىكتەر ماسەلەسىن تالقىلادى. اسىرەسە, فورۋمعا قا­­تىسۋشىلار الەۋمەتتىك جاع­دايعا قاتىستى ءوز ويلارىن ايت­تى. ولاردىڭ كوبى ۇكىمەت تۇر­عىن ءۇي نەمەسە تومەن مولشەردە نەسيە الۋعا كومەكتەسىپ, قولداۋ كورسە­ت­سە دەگەن ويلارىن ءبىلدىردى. «قازىر ءبىزدىڭ ۋنيۆەرسيتەتتىڭ مىڭنان اسا ستۋدەنتى ديپلوم الى­سىمەن اۋىلعا بارىپ قىز­مەت ەتۋگە دايىن. الايدا, «ديپ­لوممەن – اۋىلعا!» باعدار­لا­ما­سى اياسىندا اگرارلىق سالانى ءبى­تىرگەن تۇلەكتەرگە ەشقانداي جە­ڭىلدىك قاراستىرىلماعانى قىن­جىل­تادى», – دەيدى قازۇاۋ-دىڭ جاستار اكىمشىلىگىنىڭ ءتور­ايىمى جۇلدىز سۇلەيمەنوۆا. ونىڭ ايتۋىنشا, مادەنيەت, ءبىلىم, سپورت جانە تاعى باسقا سا­لانىڭ ماماندارىن اۋىلعا تارتۋدا كوپتەگەن جەڭىلدىكتەر قا­راس­تىرىلعان. ال اۋىل شارۋا­شى­لىعىنا قاجەتتى ماماندار بۇل باعدارلاماداعى جەڭىل­دىك­تەن تىسقارى قالعان. «اۋىلعا باسقا مامان يەلەرىن كوپتەپ تارت­قانىمەن, ونداعى جاعداي تۇزەلمەيدى. سوندىقتان الدى­مەن اۋىل شارۋاشىلىعى مامان­دىعىن مەڭگەرگەن جاستارعا قولداۋ كورسەتىپ, سولاردى كوپ­تەپ تارتۋ كەرەك», – دەيدى ول. گۇلزەينەپ سادىرقىزى.