كوكتەمگى تاسقىن سۋدىڭ الدىن الۋ بويىنشا اۋدان, قالا اكىمدىكتەرى مەن وبلىستىق توتەنشە جاعدايلار دەپارتامەنتى بىرلەسە سارىاعاش جانە ماقتارال اۋداندارىندا, سىرداريا وزەنىندە قاۋىپتىڭ بار-جوقتىعى تۋرالى زەرتتەۋ جۇمىستارىن اتقارىپ, شاردارا اۋدانى سۇتكەنت ەلدى مەكەنىنىڭ 800 مەتر جەرىنە جانە وزەن ارناسىنا قۇممەن قاپتالعان 7000-عا جۋىق قاپ قويىلىپ, وعان 20 تەحنيكا مەن 210 ادام جۇمىلدىرىلدى.
بۇگىندە جاعا بەكىتۋ ءىسى وتىرار, سارىاعاش, شاردارا اۋداندارى مەن تۇركىستان, ارىس قالالارىندا دا قارقىن العان. ماسەلەن, اتالعان اۋدان, قالالارداعى ءتيىستى مەكەندەرگە قۇممەن تولتىرىلعان 300 مىڭ دانا قاپشىق قويىلىپ, 467 ادام, 60 ارنايى تەحنيكا جانە 10 ءجۇزۋ قۇرالدارى دايىندىققا كەلتىرىلدى. بۇل جەرگىلىكتى اتقارۋشى ورگاندارىمەن سىرداريا وزەنىنىڭ ارناسىنا وزبەكستان رەسپۋبليكاسىنان سەكۋندىنا جالپى كولەمى 1500-دەن 2000 م3/سەك دەيىن سۋ تاستالعاندا بولۋى مۇمكىن سۋ تاسقىنى جاعدايىنا ەسەپتەلگەن. وسىنداي تاسقىن سۋدىڭ الدىن الۋ بويىنشا اتقارىلىپ جاتقان وتىرار اۋدانىنداعى جۇمىستارمەن باق وكىلدەرى ارنايى بارىپ تانىسىپ قايتتى.
ايتا كەتۋ كەرەك, توتەنشە جاعدايلار دەپارتامەنتىنىڭ ماماندارى «قازگيدرومەت» رمك ورتالىعىنان كۇندەلىكتى مالىمەتتەر الىپ, وبلىس اۋماعىنداعى كوكتەمگى سۋ تاسقىنى جاعدايىنا مونيتورينگ, بولجاۋ جۇمىستارىن توقتاۋسىز اتقارۋدا.
