ءىس-شارا وقۋشىلار اراسىندا عىلىمي-تەحنيكالىق شىعارماشىلىقتى دامىتۋ, جوعارى تەحنولوگيا جانە يننوۆاتسيا سالاسىنا قىزىعۋشىلىقتى ارتتىرۋ, بولاشاق ماماندىقتى تاڭداۋداعى پانارالىق بايلانىستى نىعايتۋ مەن روبوتوتەحنيكا بويىنشا مۇعالىمدەردىڭ كاسىبي دامۋىن ارتتىرۋدى كوزدەيدى. سونداي-اق روبوتوتەحنيكالىق جۇيەنى قۇرۋ بويىنشا پەرسپەكتيۆالىق عىلىم جانە تەحنيكا سالاسىنا نازار اۋدارۋ, قازىرگى زامانداعى عىلىمي-تەحنيكالىق شىعارماشىلىقتى دامىتۋ ماقساتىندا ۇيىمداستىرىلعان وليمپياداعا استاناداعى 18 مەكتەپتەن 100-دەن اسا وقۋشى قاتىسۋدا.
12 جىلدىق تاريحى بار World Robot Olympiad - روبوتوتەحنيكا بويىنشا مەكتەپ وقۋشىلارى مەن ستۋدەنتتەر اراسىندا ءوتىپ كەلە جاتقان دۇنيەجۇزىلىك جارىس. ونىڭ قازاقستانداعى وپەراتورى بولىپ سانالاتىن نازارباەۆ زياتكەرلىك مەكتەپتەرى حالىقارالىق بايقاۋعا جىبەرىلەتىن ۇلتتىق كوماندا قۇرامىنا جاۋاپتى. جەلىلىك وليمپيادا ەلىمىزدىڭ ءار ايماعىندا ءبىر ۋاقىتتا باستالىپ, وقۋشىلارى ءوز روبوتتارىنىڭ مۇمكىندىكتەرى مەن ەرەكشەلىكتەرىن كوپشىلىككە تانىستىرىپ جاتىر.
