بايقاۋعا الەمنىڭ ءتۇرلى ەلدەرىنەن قاتىسقان جاس تالانتتار ءبىر اپتا بويى اسپاپتا ويناۋ شەبەرلىكتەرىن كورسەتتى. جاس ەرەكشەلىكتەرى بويىنشا لايىق دەپ تانىلعان جۇلدەگەرلەرگە مادەنيەت جانە سپورت ءمينيسترى ارىستانبەك مۇحامەدي ۇلى جانە فەستيۆال قوناعى - رف پرەزيدەنتىنىڭ حالىقارالىق مادەني ىنتىماقتاستىق جونىندەگى ارنايى وكىلى, تمد-عا قاتىسۋشى ەلدەردىڭ گۋمانيتارلىق ىنتىماقتاستىعىنىڭ مەملەكەتارالىق قورى باسقارماسىنىڭ تەڭ توراعاسى ميحايل شۆىدكوي ارنايى سىيلىقتار تاپسىردى. «قازاقستان ءۇمىتى» ماراپاتىنا بىردەن ەكى قاتىسۋشى لايىق دەپ تانىلدى, ولار - ارتۋر ميحلين (قازاقستان) مەن ەليسەي مىسين (رەسەي). استانا قالاسى اكىمىنىڭ اقشالاي سىياقىسى ەلوردالىق كليم پاكقا بەرىلدى. «قازاقستان كومپوزيتورىنىڭ تۋىندىسىن ۇزدىك ورىنداعانى ءۇشىن» سىيلىعىن پەتر اكۋلوۆ (رەسەي) السا, ينتەرنەت-داۋىس بەرۋدىڭ ناتيجەسى بويىنشا كورەرمەندەر كوزايىمى جۇلدەسىن ەۆا گەۆورگيان (رەسەي) يەلەندى. ۆەربەدەگى حالىقارالىق مۋزىكالىق فەستيۆالدىڭ نەگىزىن قالاۋشى ءارى ديرەكتورى, نوبەل كوميتەتىنىڭ مۇشەسى مارتين ەنگسترەمنىڭ ارنايى سىيلىعى - ۆەربە-2018 فەستيۆالىنىڭ وقىتۋ باعدارلاماسىنا ستۋدەنت رەتىندە قاتىسۋعا شاقىرتۋ سەرگەي داۆىدچەنكوعا (رەسەي) تاپسىرىلدى. بايقاۋدىڭ شىعارماشىلىق جەتەكشىسى دەنيس ماتسۋەۆتىڭ سىيلىعىنا (جوبالارعا قاتىسۋ) حاەريم پارك (وڭتۇستىك كورەيا), ەليسەي مىسين (رەسەي), سەرگەي داۆىدچەنكو (رەسەي), يۆان بەسسونوۆ (رەسەي), فيليپپ لىنوۆ (رەسەي), الەكساندر كليۋچكو (رەسەي), ارتۋر ميحلين (قازاقستان) لايىقتالدى.
جاس پيانيستەردىڭ حالىقارالىق بايقاۋى استانادا 2013 جىلدان بەرى وتكىزىلىپ كەلەدى. ول الەمنىڭ تۇكپىر-تۇكپىرىندەگى تالانتتارعا قولداۋ بىلدىرۋگە, حالىقارالىق شىعارماشىلىق بايلانىستاردى كەڭەيتۋگە باعىتتالعان. شىعارماشىلىق بايگەنى وتكىزۋ يدەياسى تانىمال پيانيست دەنيس ماتسۋەۆقا تيەسىلى.
