جىل سايىن بايقاۋعا بەلگىلى كومپوزيتور كەڭەس دۇيسەكەەۆ, وزگە دە ەلدەردەن كەلگەن بەلگىلى ونەر ادامدارى تورەلىك ەتەدى. قازىلار القاسىنىڭ قاتىسۋشىلارعا تالابى دا جوعارى. ولار ونەرگە تالپىنعان بالالاردىڭ ۆوكالدىق قابىلەتىن, ساحنادا ءوزىن ۇستاۋىن, رەپەرتۋار بايلىعىن – ءبارىن-ءبارىن سۇزگىدەن وتكىزەدى. ءۇش كۇن بويى انشىلەردى تىڭداعان قازىلار القاسى جيىرماعا جۋىق دارىندى ىرىكتەدى.
«وسى بايقاۋدىڭ قازاقستاننىڭ كەلەشەگىنە جاساپ جاتقان ەڭبەگى وتە زور دەپ بىلەمىن. ءبىز تالانتتاردى بالا كەزىندە تاۋىپ, ونىڭ ونەردىڭ ورىنە شىعۋىنا سەبەپشى بولامىز», – دەدى قازىلار القاسىنىڭ توراعاسى كەڭەس دۇيسەكەەۆ.
بۇل جولى بايقاۋدىڭ باس جۇلدەسى قوستاناي وبلىسىنىڭ وزىندە قالدى. قازىلار القاسىنىڭ قاتاڭ سىنىنان وتكەن بەكبولات جازىقباەۆ باس جۇلدەگە لايىق دەپ تابىلدى. ول بايقاۋعا اۋليەكول اۋدانىنىڭ قۇسۇرىن اۋىلىنداعى مەكتەپتەن كەلىپ قاتىستى. وبلىس اكىمى ارحيمەد مۇحامبەتوۆ وعان باياۋدىڭ گران-پري جۇلدەسى – 300 مىڭ تەڭگەنىڭ سەرتيفيكاتىن تاپسىردى.
«التىن ميكروفون» بايقاۋى تالانتتاردىڭ ۇستاحاناسى ىسپەتتى. جاس تالانتتاردىڭ وسى بەدەلدى بايقاۋعا قاتىسقانىنىڭ ءوزى ولار ءۇشىن بويداعى دارىندى ۇشتاۋ دەگەن ءسوز. وسى بايقاۋدىڭ بۇرىنعى جۇلدەگەرلەرى اراسىندا قازىر تانىمال ونەر يەلەرى از ەمەس. ولاردىڭ قاتارىندا قوستانايلىق تالانتتار دا بار ەكەنىن ماقتان تۇتامىز», – دەدى ايماق باسشىسى.
ءنازيرا جارىمبەتوۆا
«ەگەمەن قازاقستان»
قوستاناي
