تۇنگى ساعات 24.15-تە قالا بويىنشا جاڭبىر سۋىنىڭ زاردابىنا ۇشىرادى دەگەن 60 وقيعا تىركەلگەن. بارلىعى 47 جەكەمەنشىك ءۇيدىڭ اۋلاسىن سۋ باسىپ, 9 كوشەدە كولىك قوزعالىسى توقتاتىلعان. «ازيا» ساۋدا ورتالىعىنىڭ كولەمدى ءۇش نىسانى, «الماتى وپتيكا» امبەبەپ دۇكەنى مەن «بوتاگوز» بالاباقشاسىنىڭ اۋماعى دا جاڭبىر سۋىنان جينالعان ايدىننىڭ استىندا قالعان.
الماتى قالالىق تجد قۇتقارۋ قىزمەتى تاڭ اتقانشا جەدەل جاردەمدەسۋ قىزمەتىندە ءجۇردى. زارداپ شەككەن نىساندار مەن تۇرعىن ءۇيدىڭ ازاماتتارىنا قول ۇشىن بەرۋ ءۇشىن ءتيىستى مەكەمەدەن 50 ادام, 20 قۋاتتى تەحنيكا, 24 سۋ سورعىش جۇمىلدىرىلدى.
ابىروي بولعاندا زارداپ شەككەندەر جوق.
جاڭبىر تاڭ اتا باسىلدى. بىراق, قازاقستاننىڭ گيدرومەتەورولوگيا ورتالىعى بۇگىننەن باستاپ 1 مامىرعا دايىن الماتى قالاسى مەن الماتى وبلىسىندا تۇندەگىدەي كۇشتى نوسەر جاڭبار قايتالانىتىنىن ەسكەرتىپ وتىر. تاۋلى ايماقتا وتە كۇشتى جەل تۇرۋى ىقتيمال.
تالعات ءسۇيىنباي,
«ەگەمەن قازاقستان»
