ءفيلمنىڭ پروديۋسسەرى ءارى باستى رولدە ويناعان ازامات ساتىبالدى باستامانىڭ قالاي تۋعانىن, ستسەناريىنىڭ قالاي جازىلعانىن, ءتۇسىرۋ مەرزىمى, اكتەرلەرمەن جۇمىسى تۋرالى اڭگىمەلەپ بەردى.
«جاڭا ءفيلمدى قوستانايعا اكەلگەن سەبەبىمىز, مەن ونەر جولىنداعى العاشقى قادامىمدى وسىنداعى ءى.وماروۆ اتىنداعى وبلىستىق قازاق دراما تەاترىندا باستاعان بولاتىنمىن. ماعان قوستاناي جەرى ىستىق. سوندىقتان ءفيلمدى دە قوستانايلىقتاردىڭ كورۋى ءۇشىن, ءوزىمىز كورەرمەندەرمەن كەزدەسۋ ءۇشىن وسىندا كەلدىك», – دەدى ازامات ساتىبالدى.
فيلمدە ورازحان كەنەباەۆ سەكىلدى بەلگىلى اكتەرمەن قاتار, قوستاناي قازاق دراما تەاترىنىڭ اكتەرى ءالىمحان مىرزاحان دا وينادى. اكتەرلەر مەن رەجيسسەر 90 مينۋتتىق ءفيلمنىڭ كوتەرگەن جۇگى جەڭىل ەمەس ەكەنىن ايتتى. فيلم وتباسىلىق درامانى وزەك ەتە وتىرىپ, جۇبايلار اراسىنداعى ادامگەرشىلىك, ماحاببات, ادالدىق ماسەلەسىن كوتەرەدى.
فيلم «Cinema-28» ستۋدياسىنان شىعارىلدى. ازامات ساتىبالدىنىڭ ايتۋىنشا, تاياۋ ۋاقىتتا وسىنداي اتاۋمەن تەاتر اشىلماق.
ءنازيرا جارىمبەتوۆا
«ەگەمەن قازاقستان»
قوستاناي
