سەمينارعا جەرگىلىكتى جوعارى وقۋ ورىندارىنىڭ رەكتورلارى, عالىم وقىتۋشىلارى, پارتيالار, ۇكىمەتتىك ەمەس ۇيىمدار وكىلدەرى, مەملەكەتتىك ورگاندار قىزمەتكەرلەرى, قوعامدىق پىكىر كوشباسشىلارى قاتىستى. الدىمەن قوستاناي وبلىسى اكىمىنىڭ ورىنباسارى مارات جۇندىباەۆ قاتىسۋشىلاردى ماڭىزدى شارانىڭ وتۋىمەن قۇتتىقتاپ, ولاردىڭ جۇمىسىنا تابىس تىلەدى.
سەمينار-ترەنينگتىڭ العاشقى بولىمىندە الماتى قالاسىنان كەلگەن قمەبي ۋنيۆەرسيتەتى بۇقارالىق كوممۋنيكاتسيا دەپارتامەنتىنىڭ دوتسەنتى, فيلوسوفيا عىلىمدارىنىڭ كانديداتى گۇلنار اسانباەۆا, ل.ن.گۋميلەۆ اتىنداعى ەۇۋ جانىنداعى قازىرگى زامانعى زەرتتەۋلەر ينستيتۋتىنىڭ ديرەكتورى, فيلوسوفيا عىلىمدارىنىڭ كانديداتى, ساياساتتانۋ Phd دوكتورى مۇحيت-ارداگەر سىدىقنازاروۆ, ل.ن. گۋميلەۆ اتىنداعى ەۇۋ «ەۋرازيا» گۋمانيتارلىق زەرتتەۋلەر عىلىمي ورتالىعىنىڭ ديرەكتورى, ۇلتتىق تاريحشىلار كونگرەسىنىڭ عالىم-حاتشىسى, پروفەسسور, تاريح عىلىمدارىنىڭ دوكتورى زيابەك قابىلدينوۆ, قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى ۇكىمەتتىك ەمەس ۇيىمدارمەن ءوزارا ءىس-قيمىل سالاسىنداعى مەملەكەتتىك ورگانداردىڭ قىزمەتىن ۇيلەستىرۋ باسقارماسىنىڭ باسشىسى گۇلبارا سۇلتانوۆا ەلباسى ماقالاسىنا وراي تەرەڭ مازمۇندى باياندامالار جاسادى.
«ءتورتىنشى يندۋستريالىق رەۆوليۋتسيا بىزگە كوپتەگەن قولايسىز جاعدايدار اكەلەدى. شامالى جىلدا بۇگىنگى كوپتەگەن ماماندىقتار كەرەكسىز بولىپ قالادى. ولاردىڭ جۇمىسىن روبوتتار اتقارادى. ءحىح-حح عاسىردا جۋرناليستيكانىڭ ستاندارتتارى قالىپتاستى. تەحنولوگيانىڭ اسا جىلدام دامۋىنا بايلانىستى سول ستاندارتتار قازىر كومەسكىرە باستاعان», – دەگەن گۇلنار دوسقاليقىزى قازاقستانداعى باق مىسالىندا جۋرناليستيكانىڭ پروبلەمالارىن ورتاعا سالدى. سونىمەن قاتار باسقا سپيكەرلەر دە ەلباسى ماقالاسىندا ايتىلعان ماسەلەلەرگە تەرەڭ تالداۋ جاسادى. جاس ۇرپاقتى وتانشىل, پاتريوت ەتىپ تاربيەلەۋ, ۇلتىمىزتىڭ جاھاندانۋ مەن ءتورتىنشى يندۋستريالىق رەۆوليۋتسيا اكەلەتىن قيىندىقتارعا توتەپ بەرە الۋى, وزگە مادەنيەتتەردىڭ جەتەگىندە كەتپەۋى ءۇشىن قوعامدىق-ساياسي ءىس-شارالاردى يدەولوگيالىق قولداۋ, سول ءۇشىن اتقارار جۇمىستاردىڭ باعىت-باعدارىن جاسادى.
سەمينار-ترەنينگتىڭ ەكىنشى بولىمىندە قاتىسۋشىلار سەكتسيالارعا ءبولىنىپ جۇمىس ىستەدى.
ءنازيرا جارىمبەتوۆا
«ەگەمەن قازاقستان»
قوستاناي
