بيزنەس باستاعىسى كەلگەن ايەلدەرگە كومەك كورسەتىپ, وتباسىلىق تاربيە ماسەلەلەرىن قولعا العان كلۋب مۇشەلەرى اشىلعان از ۋاقىتتىڭ ىشىندە 20-دان استام ايەل ازاماتىنا زاڭدىق كەڭەستەر مەن پسيحولوگيالىق قولداۋ بىلدىرگەن. سونىمەن قاتار, مادەني-كوپشىلىك ءىس-شارالاردى ۇيىمداستىرۋعا ۇيىتقى بولىپ, ۇرپاقتار ساباقتاستىعىن جانداندىرۋدا.
ماسەلەن, ىسكەر حانىمدار «ايەلگە سۇيىسپەنشىلىكپەن» اتتى اكتسيا ۇيىمداستىرىپ, وندا مۇمكىندىگى شەكتەۋلى جانە الەۋمەتتىك جاعىنان از قامتاماسىز ەتىلگەن ايەل ازاماتتارىنا داستارحان جايىپ سىي-سياپات جاسادى جانە 30 اناعا استانا قالاسىندا وتەتىن ەكسپو-2017 حالىقارالىق مامانداندىرىلعان كورمەسىن تاماشالاپ قايتۋ ءۇشىن بيلەتتەر تارتۋ ەتتى.
بۇل شارانى تاعدىردىڭ تاۋقىمەتىن تارتقان نازىك جاندىلارعا قۋانىش, ايەل باقىتىن سىيلاۋ ماقساتىندا ۇيىمداستىرىپ وتىرمىز, دەيدى قوعامدىق ۇيىم مۇشەلەرى.
«سىرعالىم» كوشباسشى قوعامدىق قورى العا - ەرلەر مەن ايەلدەردىڭ كۇتىلەتىن ءومىر ءسۇرۋ ۇزاقتىعىندا گەندەرلىك الشاقتىقتاردى جويۋ, وتباسىن جوسپارلاۋدى قوسا العاندا, ولاردىڭ دەنساۋلىعىن قورعاۋ ءۇشىن قاجەتتى جاعدايلاردى قامتاماسىز ەتۋ, قىز-كەلىنشەكتەر مەن انالاردىڭ قۇقىقتارى مەن مۇددەلەرىن قورعاۋدى قامتاماسىز ەتۋ, قوعامنىڭ رۋحاني-ادامگەرشىلىك قۇندىلىقتارىن ارتتىرۋ جانە وسكەلەڭ ۇرپاق تاربيەسىن كۇشەيتۋ سىندى مىندەتتەردى قويىپ وتىر.
