كەزدەسۋ بارىسىندا وتاندىق ديپلومات م. اۋنعا قر پرەزيدەنتى ن.ءا. نازارباەۆتىڭ ءىلتيپاتىن جەتكىزىپ, قازاقستانداعى قازىرگى الەۋمەتتىك-ەكونوميكالىق جاعداي, سونداي-اق ەلىمىزدىڭ اۋقىمدى حالىقارالىق باستامالارى جونىندە حاباردار ەتتى. سونىمەن قاتار, ا. بەردىباي ليۆان پرەزيدەنتىنىڭ بيىل 10-11 قىركۇيەكتە استانادا وتەتىن يسلام ىنتىماقتاستىعى ۇيىمىنىڭ ءبىلىم جانە تەحنولوگيالار جونىندەگى ءبىرىنشى سامميتىنە قاتىسۋىنا سەنىم ءبىلدىرىپ, قازاقستان-ليۆان قارىم-قاتىناستارىن نىعايتۋ جانە ىلگەرىلەتۋ شارالارىمەن تانىستىردى.
ليۆان پرەزيدەنتى دوستىق جانە ءوزارا سەنىمگە نەگىزدەلگەن بايلانىستاردى دامىتۋعا باعىتتالعان بارلىق باستامالاردى قولدايتىنىن ايتتى.
ەلشى ا. بەردىبايدىڭ بەيرۋت قالاسىنا جاساعان ساپارىندا ليۆاننىڭ سىرتقى ىستەر ءمينيسترى دجۋبران باسيل جانە ءسىم-ءنىڭ باس حاتشىسى شاربەل ۋاحبەمەن كەزدەسۋلەرى ءوتتى. سۇحبات اياسىندا تاراپتار ليۆان پرەزدەنتىنىڭ يىۇ عىلىم جانە تەحنولوگيالار سامميتىنە قاتىسۋ, ەكى ەلدىڭ سىرتقى ىستەر مينيسترلىكتەرى اراسىندا ساياسي كونسۋلتاتسيالار وتكىزۋ, ەكىجاقتى قاتىناستاردىڭ شارتتىق-قۇقىقتىق بازاسىن كەڭەيتۋ, مۇددەلى مينيسترلىكتەر مەن ۆەدومستۆالار اراسىندا ءوزارا ساپارلار ۇيىمداستىرۋ مۇمكىندىكتەرى جونىندە پىكىر الماستى.
