كوممەرتسيالىق ماقساتتاعى مۇناي ءوندىرۋ تۋرالى شەشىم 2016 جىلدىڭ 1 قاراشاسىندا جاريالانعان بولاتىن. قازىرگى تاڭدا تەڭىز جانە جەردە ورنالاسقان كەشەندەردەگى قۇرىلعىلاردى ىسكە قوسۋ جالعاسۋدا. مۇناي ءوندىرۋ ءىسى قايتا قولعا الىنعالى بەرى 2 ملن توننادان استام مۇناي مەن 1 ملرد تەكشە مەتر گاز ءوندىرىلدى. مۇناي ءوندىرۋ كولەمىن 2017 جىلى تاۋلىگىنە 370 مىڭ باررەلگە جەتكىزۋ ءۇشىن گازدى كەرى ايدايتىن ەكى كومپرەسسور ىسكە قوسىلماق. مۇناي ءوندىرۋ ءىسىن ودان ءارى كوبەيتۋ ماقساتىندا گازدى كەرى ايداۋ قۋاتتارىن كەڭەيتۋگە باعىتتالعان جوبالار جۇزەگە اسىرىلادى. وسى كەزدە اتالعان جوبانىڭ وڭتايلى تۇجىرىمجاماسىن قابىلداۋ جۇمىستارى ءجۇرىپ جاتىر.
