اشىق الاڭدا تەاترلاندىرىلعان قويىلىم كورسەتىلەدى, وعان ۇلتتىق-مادەني بىرلەستىكتەردىڭ شىعارماشىلىق ۇجىمدارىنىڭ, استانا قالاسىنىڭ مەملەكەتتىك فيلارمونياسىنىڭ ارتىستەرىنىڭ, حورەوگرافيالىق توپتاردىڭ جانە قازاقستاندىق ەسترادا جۇلدىزدارى قاتىسادى.
سونىمەن قاتار, قالا اكىمدىگىنىڭ الدىنداعى الاڭدا (بەيبىتشىلىك ك-ءسى, 11) حالىقتىق سەرۋەن مەن تانىمال ارتىستەردىڭ قاتىسۋىمەن كونتسەرت ۇيىمداستىرىلادى.
1 مامىردا ساعات 17:00 «استانا» كونتسەرت زالىندا «استانا» ەسترادالىق-سيمفونيالىق وركەسترىنىڭ باس ديريجەرى, ەڭبەك سىڭىرگەن ونەر قايراتكەرى الەكساندر ابىلاەۆتىڭ 70 جىلدىعىنا ارنالعان «مەرەيتويعا تارتۋ» كونتسەرتى وتەدى.
6 مامىردا ەلوردا تۇرعىندارى مەن قوناقتارى «استانا» كونتسەرت زالىندا قازاقستاننىڭ ەڭبەك سىڭىرگەن ءارتىسى ەرلان كوكەەۆتىڭ جەكە كونتسەرتىن تاماشالايدى. كونتسەرتتىك باعدارلاما ايگىلى «ك-7» توبىنىڭ تانىمال كومپوزيتسيانىڭ قۇرمەتىنە «تانەتس پود دوجدەم» دەپ اتالادى. كورەرمەندەر نازارىنا ەرەكشە ستسەنوگرافياعا نەگىزدەلگەن قويىلىم ۇسىنىلادى. شارا بارىسىندا ەرلان كوكەەۆتىڭ حالىق ءسۇيىپ تىڭدايتىن ەسكى اندەرىنەن باسقا جاڭا حيتتەر دە ورىندالادى. كونتسەرت قوناقتارى - «دوس-مۇقاسان» ۆاا, جاننا ورىنباساروۆا جانە «ابك» توبى.
7 مامىردا ەلوردادا قازاقستان رەسپۋبليكاسىنىڭ قارۋلى كۇشتەرىنىڭ 25 جىلدىعىنا ارنالعان اسكەري پاراد وتەدى.
قازىرگى كەزدە جەڭىس كۇنىنە دايىندىق جۇرگىزىلۋدە. مەرەكەلىك شارالار لەگى ۇلى وتان سوعىسىندا قازا بولعاندارعا تاعزىم ەتۋ راسىمىنەن باستالادى. 8 مامىردا ورتالىق قالالىق زيراتتا ۇلى وتان سوعىسى جىلدارىندا العان جاراقاتتاردان كوز جۇمعان جاۋىنگەرلەردىڭ زيراتىنا «داڭق گۇل تىزبەگى» مەن گۇل شوعى قويىلادى.
مۇنىمەن قوسا, وسى كۇنى «استانا» كونتسەرت زالىندا مارجان اراپباەۆا, قايرات باەكەنوۆ, رينات مالساگوۆ, رۇستەم نۇرجىگىتوۆ جانە ت.ب. قاتىسۋىمەن 9 مامىر – جەڭىس كۇنىنە ارنالعان كونتسەرت وتەدى.
جەڭىس كۇنى «وتان قورعاۋشىلار» مونۋمەنتىنە «داڭق گۇل تىزبەگىن» قويۋ سالتاناتى جانە ۇلى وتان سوعىسىنا قاتىسۋشىلاردىڭ ۇرپاقتارىنىڭ «استانا جاۋجۇرەك پولكى – الەم مارشى» شەرۋى ۇيىمداستىرىلادى. شاراعا قاتىسۋشىلار ساعات 12:30-دا «قازاق ەلى» مونۋمەنتىنىڭ الدىندا جينالادى, شەرۋ «وتان قورعاۋشىلار» مونۋمەنتىنىڭ جانىندا اياقتالادى. سونداي-اق, «ستۋدەنتتىك» ساياباقتا اسكەري قالاشىق ورنالاسادى, وندا 11 اسكەري پالاتكا قويىلادى, سوعىس ارداگەرلەرى مەن تىل ەڭبەككەرلەرىنە ارنالعان مەرەكەلىك داستارقان جايىلادى. 9 مامىردا قالالىق الاڭدا جانە «ستۋدەنتتىك» ساياباقتا اسكەري جىلدارداعى اندەر ورىندالاتىن مەرەكەلىك كونتسەرت ۇيىمداستىرىلادى.
قازاقستان حالقىنىڭ بىرلىگى كۇنى, وتان قورعاۋشى كۇنى جانە جەڭىس كۇنىن مەرەكەلەۋ اياسىندا ەلوردانىڭ بارلىق مادەني مەكەمەلەرىندە مەرەكەلىك شارالار, كىتاپحانالاردا, مۋزەيلەردە, تەاترلاردا تاقىرىپتىق كورمەلەر, كونتسەرتتەر مەن سپەكتاكلدەر وتەدى.
