اتالمىش فيلم قازاقستانداعى ەڭ ايگىلى سپورت ءتۇرى – بوكس تۋرالى باياندايدى. كارتينا ەرەجەسىز جەكپە-جەككە قاتىساتىن جاس جىگىت تۋرالى.
«جول» ءفيلمىنىڭ ءتۇسىرىلىمى الماتى قالاسىندا ءوتتى. ءتۇسىرىلىم جۇمىستارىنىڭ ءبىر بولىگى قالاداعى «باراحولكا» اتالىپ كەتكەن بازاردا تۇسىرىلسە, جاتتىعۋ جۇمىستارى بەينەلەنگەن كورىنىستەر قازاق ۇلتتىق اگرارلىق ۋنيۆەرسيتەتىنىڭ سپورت زالىندا ءوتتى. فيلمدەگى باستى ءرولدى «G.H.A.D» مۋزىكالىق توبىنىڭ ءانشىسى, جاس اكتەر نازار شارحان سومداعان. ال باس كەيىپكەردىڭ سۇيىكتىسىنىڭ رولىندە ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەگى دينارا جۇماعاليەۆا ويناعان. ال كارتينا بارىسىنداعى ەڭ جاعىمسىز كەيىپكەردىڭ بەينەسىندە قر ەڭبەك سىڭىرگەن ءارتيسى ديماش احيموۆ («سوڭعى اسۋ», «پريميتە اداما!»).
سونىمەن قاتار فيلمدە جاتتىقتىرۋشىنىڭ ءرولىن - قر ەڭبەك سىڭىرگەن ءارتيسى ەرىك جولجاقسىنوۆ, تەمىرلاننىڭ اكەسىنىڭ ءرولىن – ەرجان ءتۇسىپوۆ («ءسىز كىمسىز كا مىرزا؟») وينايدى.
2003-ءشى جىلى قۇرىلعان «كراسنوگورسكي» حالىقارالىق فەستيۆال - شىعىس ەۋروپاداعى جانە تمد ەلدەرىندەگى ءىرى سپورتتىق كينوبايقاۋ. كينوفەستيۆال پرەزيدەنتى – الەمنىڭ ءۇش دۇركىن وليمپيادا چەمپيونى, الەمنىڭ ون دۇركىن چەمپيونى, ون ءبىر رەت ەۋروپا چەمپيونى – يرينا رودنينا.
بيىلعى جىلى فەستيۆال باعدارلاماسىنا سپورت تۋرالى 100-گە جۋىق كينوتۋىندىلار تۇسكەن. فەستيۆالگە قاتىسۋ ءۇشىن تاڭداپ الىنعان 70-كە جۋىق كوركەم جانە دەرەكتى كينوفيلمدەر 15 ەلدەن ۇسىنىلعان. ولاردىڭ اراسىندا: رەسەي, اۆستريا, بەلارۋس, ۇلىبريتانيا, گەرمانيا, يسپانيا, يتاليا, قازاقستان, كانادا, مولدوۆا جانە ت.ب.
«جول» ءفيلمى تۋرالى:
الماتىداعى بازارلاردىڭ بىرىندە جۇمىس ىستەپ وعان قوسىمشا جاسىرىن وتكىزىلەتىن ەرەجەسىز توبەلەس جارىستارىنا قاتىسىپ جۇرگەن, كوشە توبەلەسىمەن شىنىققان جاس جىگىتتىڭ ءومىرى كورسەتىلەدى. ۋاقىت وتە كەلە ول ازامات ءوزى ءۇشىن كاسىپقوي بوكس ومىرىندەگى ەڭ ماڭىزدى دۇنيە ەكەنىن ءتۇسىنىپ, كوشە توبەلەسى مەن قويىلاتىن باساقىدان قۇرالعان كۇندەلىكتى تىرشىلىگىن تاستاپ بوكسەرلىك كلۋبقا كەلەدى. الايدا ونى وتكەن كۇندەردىڭ ەلەسى ەركىنە قويا بەرۋگە بەيىل ەمەس.
ءتۇسىرىلىم: ش.ايمانوۆ اتىنداعى «قازاقفيلم» اق-ى, «567 creative laboratory» ستۋدياسىنىڭ قاتىسۋىمەن.
جانرى: سپورتتىق دراما
ۇزاقتىعى: 1 ساعات 30 مينۋت
قويۋشى رەجيسسەر: اسقار ۇزاباەۆ
ستسەناري اۆتورى: اسقار ۇزاباەۆ
قويۋشى وپەراتور: ازامات دۋلاتوۆ
قويۋشى سۋرەتشىلەر: وسكار يسكاكوۆ, سانجار وماروۆ
كومپوزيتور: نيكيتا كاراەۆ
رولدەردە: نازار شارحان, دۋلات جۇماقادىر, ەرجان ءتۇسىپوۆ, ديماش احيموۆ, ەرىك جولجاقسىنوۆ, دينارا جۇماعاليەۆا, ەربولات توعىزاقوۆ جانە باسقالار.
