تاجىكستاننىڭ ءسىم باسشىسى استانا قالاسىنا شانحاي ىنتىماقتاستىق ۇيىمىنىڭ سىرتقى ىستەر مينيسترلەر كەڭەسىنىڭ جۇمىسىنا قاتىسۋ ءۇشىن كەلدى.
«قازاقستان 2015 جىلعى 14 قىركۇيەكتە پرەزيدەنتتەر نۇرسۇلتان نازارباەۆ جانە ەمومالي راحمون قول قويعان ستراتەگيالىق ارىپتەستىك تۋرالى شارتقا تولىقتاي سايكەس تاجىكستانمەن ءوزارا ءتيىمدى ىنتىماقتاستىقتى ودان ءارى تەرەڭدەتۋگە جانە كەڭەيتۋگە كوزدەلگەن», - دەدى ق. ءابدىراحمانوۆ. ول قازاقستاننىڭ بۇۇ قاۋىپسىزدىك كەڭەسىندە تۇراقتى ەمەس مۇشەسى رەتىندە وزەكتى باسىمدىقتارىنىڭ ءبىرى - ورتالىق ازيانىڭ مۇددەلەرىن جاھاندىق دەڭگەيدە ىلگەرىلەتۋ بولىپ تابىلاتىن اتاپ ءوتتى.
تاراپتار كەزدەسۋ بارىسىندا قازاقستان-تاجىك ىنتىماقتاستىعى ماسەلەلەرىنىڭ كەڭ اۋقىمى بويىنشا ەگجەي-تەگجەيلى كونسۋلتاتسيالار وتكىزدى.
س. اسلوۆ اتاپ وتكەندەي, قازاقستان تمد ەلدەرى اراسىندا تاجىكستانمەن سىرتقى ساۋدا اينالىمى بويىنشا ەكىنشى ورىن الادى. 2016 جىلى ءوزارا ساۋدانىڭ كولەمى 670 ميلليون اقش دوللارىن قۇرادى. دەگەنمەن, تاراپتاردىڭ پىكىرى بويىنشا, ايتارلىقتاي ىسكە اسىرىلماعان الەۋەت ءالى دە بار.
وسىعان وراي, مينيسترلەر بىرلەسكەن ينۆەستيتسيالىق جوبالارىنا, ەلەكتر قۋاتىن جەتكىزۋ كەلەشەگىنە, اۋىل شارۋاشىلىعى سالاسىنداعى ىنتىماقتاستىققا, كولىكتىك ترانزيتكە ەرەكشە كوڭىل اۋدارۋعا كەلىستى. ورتالىق ازياداعى سۋ رەسۋراستارىن ءتيىمدى پايدالانۋ, قاۋىپسىزدىك سالاسىنداعى احۋال, سونداي-اق مادەني-گۋمانيتارلىق قاتىناستار ماسەلەلەرى قوعالدى.
مينيسترلەر كەلىسسوزدەر قورىتىندىسى بويىنشا قازاقستان رەسپۋبليكاسى جانە تاجىكستان رەسپۋبليكاسى اراسىندا ستراتەگيالىق ارىپتەستىك تۋرالى شارتتى راتيفيكاتسيالاۋ جونىندەگى گراموتالارمەن الماسۋ ءراسىمىن وتكىزدى. وسىلايشا, اتالعان شارت ءوز كۇشىنە ەندى.
