رەسپۋبليكالىق وليمپياداعا ەلىمىزدىڭ 14 وبلىسىنان جانە استانا, الماتى قالالارىنان 11-سىنىپتىڭ 7 مىڭعا جۋىق وقۋشىسى قاتىستى. ءبىتىرۋشى تۇلەكتەر 11 ءپان بويىنشا بىلىمدەرىن ساراپقا سالىپ, تەك ۇزدىكتەرى جەڭىسكە جەتتى.
وليمپيادانى قورىتىندىلاعان ۋنيۆەرسيتەت رەكتورى, پروفەسسور ۋ.ءابدىبەكوۆ جەڭىمپازدارعا 1, 2, 3 دارەجەلى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ءبىلىم گرانتى ديپلومىن تابىستادى. جوعارى كورسەتكىشكە قول جەتكىزگەن 81 گرانت يەگەرىنە ۇبت-دان 50 باللدان جوعارى جيناۋ شارتىمەن ق.ا.ياساۋي اتىنداعى حالىقارالىق قازاق-ءتۇرىك ۋنيۆەرسيتەتىندە تەگىن ءبىلىم الۋ قۇقىعى بەرىلدى.
بۇگىنگى باسەكەدەن ۋنيۆەرسيتەت گرانتىنا ىلىكپەي قالعان قاتىسۋشىلارعا دا ۇلكەن جەڭىلدىكتەر قاراستىرىلىپ وتىر. ەگەر ءسىز مەملەكەتتىك گرانتتى يەلەنە الماساڭىز, ۇبت-دا جيناعان 50 ۇپايمەن وسى سەرتيفيكاتپەن اقىلى نەگىزدە 25 پايىزدىق جەڭىلدىكپەن ءبىلىم الا الاسىزدار. سونداي-اق, 10-23 تامىز ارالىعىندا قوسىمشا 500 گرانت ورىندارى بولىنەدى», – دەگەن پروفەسسور ۋ.ابدىبەكوۆ بارلىق جەڭىمپازداردى قۇتتىقتادى.
گرانت جۇلدەگەرلەرى ءبىلىم دوداسىنىڭ ءادىل ناتيجەسىنە ريزاشىلىقتارىن ءبىلدىرىپ, ەرەكشە قۋانىشتارىن جەتكىزدى. ۋنيۆەرسيتەتتىڭ جەتىستىكتەرى مەن كامپۋسىنىڭ سالتاناتىنا قانىققان وقۋشىلار, وقۋ ورنىنىڭ ستۋدەنتى بولۋدى وزدەرىنە ماقسات ەتەتىندىكتەرىن دە جاسىرمادى.
ايتا كەتەيىك, ءۇش ايعا جالعاسقان وليمپيادانىڭ 1-ءشى ىرىكتەۋ كەزەڭى – online تۇردە 2017 جىلدىڭ 1-4 ناۋرىز كۇندەرى وتكىزىلىپ, جالپى, 7000-عا جۋىق وقۋشى قاتىسقان بولاتىن. حقتۋ بازاسىنداعى 2-ءشى كەزەڭگە 2351 وقۋشى ءوتىپ, قورىتىندى ءبىلىم سايىسىندا 1205 وقۋشى, ونىڭ ءىشىندە, اقمولا وبلىسىنان – 75, اقتوبە وبلىسىنان – 76, الماتى وبلىسىنان – 39, اتىراۋ وبلىسىنان – 29, باتىس قازاقستان وبلىسىنان – 73, جامبىل وبلىسىنان – 63, قاراعاندى وبلىسىنان – 89, قوستاناي وبلىسىنان – 28, قىزىلوردا وبلىسىنان – 144, ماڭعىستاۋ وبلىسىنان – 44, وڭتۇستىك قازاقستان وبلىسىنان – 478, سولتۇستىك قازاقستان وبلىسىنان – 14, پاۆلودار وبلىسىنان – 18, شىعىس قازاقستان وبلىسىنان 35 مەكتەپ ءبىتىرۋشى تۇلەك باق سىنادى.
