تەك باتىس جانە سولتۇستىك-شىعىس ايماقتاردا جاۋىن-شاشىنسىز كۇن رايى كۇتىلەدى, دەپ حابارلايدى قازاقپارات «قازگيدرومەت» رمك-عا سىلتەمە جاساپ. اتاپ ايتقاندا, تۇندە سولتۇستىك قازاقستان وبلىسىنىڭ كەي جەرلەرىندە تۇمان باقىلانىپ, كۇندىز باسىم بولىگىندە 15-20 م/س جىلدامدىقپەن سوققان جەلدىڭ ەكپىنى 23م/س كۇشەيەدى.
وڭتۇستىك قازاقستان, قىزىلوردا, جامبىل, كۇندىز اقمولا, الماتى, شىعىس قازاقستان وبلىستارىنىڭ جەكەلەگەن جەرلەرىندە جەلدىڭ جىلدامدىعى 15-20 م/س ارتادى,
جامبىل وبلىسىندا ەكپىنى 23 م/س جەتەدى.
كۇندىز قوستاناي وبلىسىنىڭ كەي اۋماقتارىندا تۇمان بولىپ, جەل 15-20 م/س كۇشەيەدى.
تۇندە قاراعاندى وبلىسىنىڭ جەكەلەگەن جەرلەرىندە تۇمان كۇتىلەدى, كۇندىز جەل 15-20 م/س كۇشەيدى.
باتىس قازاقستان وبلىسىنىڭ جەكەلەگەن اۋماقتارىن تۇمان باسادى.
