«LR GROUP» كومپانياسىنىڭ يزرايل مەملەكەتىندە 100 جانە الەم بويىنشا 3000-عا جۋىق قىزمەتكەرلەرى ەنشىلەس كومپانيالار جۇيەسى ارقىلى جۇمىس ىستەيدى. سونىمەن قاتار, كومپانيا كوكونىس, ماي ءوندىرۋ, تاۋىق جانە كۇركەتاۋىق ەتتەرى مەن جۇمىرتقالارىن ءوندىرۋ جانە جىلىجاي كەشەنىن دامىتۋمەن اينالىسادى.
ەندى «LR GROUP» كومپانياسى قازاقستاندا بىرلەسكەن قور قۇرۋعا ۇسىنىسپەن كەلىپ وتىر. بۇل قور قارجىلىق ۇيىم عانا ەمەس, جوبالاردى ناقتى جۇزەگە اسىراتىن, شەتەلدەن ينۆەستيتسيا تارتاتىن, جاڭا تەحنولوگيالار ەندىرىپ ەكسپورتپەن اينالىساتىن ءىرى ورتالىق بولماق.
كەزدەسۋ بارىسىندا ۆيتسە-پرەمەر جوبانىڭ ەكى تاراپقا دا ءتيىمدى ەكەنىن اتاپ ءوتىپ, «كازاگرو» ۇلتتىق حولدينگىمەن بىرلەسىپ العاشقى كەزەڭىن باستاۋعا تاپسىرما بەردى. ەندى ەكى جاقتاعى جۇمىسشى توبى جوباعا قاجەتتى قاراجاتتى ەسەپتەپ, كەلىسىمشارتتار تۇزبەك.
ايتا كەتۋ كەرەك, ا.مىرزاحمەتوۆ وتكەن اپتادا عانا يزرايلگە جۇمىس ساپارىمەن بارىپ بىرنەشە كەلىسىمدەرگە قول جەتكىزگەن بولاتىن. ساپار بارىسىندا ءيزرايلدىڭ 60-قا جۋىق بيزنەس وكىلدەرىمەن كەزدەسۋلەر وتكىزگەن. اراعا اپتا سالماي يزرايل تاراپىنان ءىرى كومپانيانىڭ كەلىپ, ينۆەستيتسيا سالۋعا نيەت ءبىلدىرۋى ەكى جاقتى كەلىسىمنىڭ ناقتى جەمىسى بولىپ وتىر.
