پرەزيدەنت حالىقپەن ويلاسۋ نيەتىمەن ورتامىزعا وي تاستاپ وتىر. شىعارماشىلىق باعىتتاعى زيالى قاۋىم وكىلدەرى ءۇشىن ەلباسىمىزدىڭ بۇل ماقالاسىنىڭ ماڭىزى وتە زور. ءمانى وتە كۇردەلى. ءتىلىمىزدى وركەندەتەيىك, ءداستۇرمەن بايلانىسقان ءدىنىمىزدى قادىرلەيىك, قالا مەن دالانىڭ اراسىن جاقىنداتايىق – نۇرسۇلتان ءابىش ۇلى ەل تىزگىنىن قولىنا ۇستاعالى وسى اڭگىمەنى ايتىپ كەلەدى.
ت.جۇرگەنوۆ اتىنداعى ۇلتتىق ونەر اكادەمياسىندا 40 شاقتى ستۋدەنتىم بار. ماقالا باسىلعان گازەتتى قولدارىنا ۇستاتىپ تۇرىپ: «ءۇش كۇن ۋاقىت بەرەمىن. ءۇش كۇننەن كەيىن ءاربىر تارماعى بويىنشا تالدامالى ويلارىڭدى ايتىپ, ماعان سىناق تاپسىراسىڭدار», دەپ تاپسىرما بەردىم. ويتكەنى, ماقالادا ايتىلعان ءاربىر وي ەڭ الدىمەن جاستارعا كەرەك. كەلەشەك – جاستاردا. ءتىلدى دە, ءدىندى دە, ءدىلدى دە, ونەردى دە بولاشاققا جالعايتىن جاستار. پرەزيدەنت بەلگىلەپ بەرگەن مىندەتتەردىڭ ىشىندەگى ەڭ كۇردەلىسى ءتىل بولىپ تۇر. ورىس مەكتەبىندە وقيتىن مىڭداعان قازاق بالالارى بار. لاتىن ءالىپبيى قازاقتارعا عانا قاتىستى بولسا, وندا ول بالالاردىڭ كەلەشەگى قالاي بولماق؟ ەكەۋىن قالاي ۇيلەستىرەمىز؟ ماقالادا وسى سياقتى وتە تەرەڭ ويمەن قاراۋدى قاجەت ەتەتىن نازىك تۇستار بار. بۇل ساياساتتى ىسكە اسىرۋدى قولعا العان ەكەنبىز, ەندەشە, ءتۇيىندى تۇستارىن شەشۋدە باتىلدىق تانىتۋىمىز كەرەك.
ءاسانالى ءاشىموۆ,
كسرو حالىق ءارتيسى, قازاقستان جانە
كسرو مەملەكەتتىك سىيلىقتارىنىڭ لاۋرەاتى
