«قازاقستان پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىمەن تانىسىپ شىقتىم, وندا ەلدىڭ كەلەشەك دامۋىنا قاجەتتى باعدارلار بەرىلگەنىن سەنىمدى ايتا الامىن.
ءوزىم عىلىم مەن ءبىلىم بەرۋ سالاسىنىڭ وكىلى بولعاندىقتان, قازاقستان باسشىسىنىڭ الەمنىڭ دامىعان 30 ەلى قاتارىنا كىرۋدىڭ ماڭىزدى فاكتورلارىنىڭ ءبىرى رەتىندە ءبىلىم بەرۋ ماسەلەسىن ەرەكشە نازارعا الۋى ويىمنان شىقتى.
نۇرسۇلتان نازارباەۆ ءاربىر ازامات ءوزىنىڭ كۇش-جىگەرى, ءبىلىم الۋعا دەگەن قۇلشىنىسى, ءوزىن-ءوزى دامىتۋ ارقىلى العا قويعان ماقساتىنا قول جەتكىزە الاتىنىن اتاپ وتەدى. قازىرگى ۋاقىتتا قارىم-قاتىناستىڭ زاماناۋي تەحنولوگيالارىن, شەت تىلدەرىن مەڭگەرۋ مىندەتتى تالاپ بولىپ وتىر, وسى ارقىلى ءاربىر ادام تىڭ اقپارات الىپ, باسقالاردىڭ تاجىريبەسىن ۇيرەنەدى جانە العان ءبىلىمى مەن جيناقتاعان تاجىريبەسىن ءوز ەلى ءۇشىن سارپ ەتەدى» دەدى پروفەسسور.
سونىمەن قاتار سلاۆكو ۆۋكشا مىرزا «بولاشاق» باعدارلاماسىنىڭ ماڭىزى تۋرالى دا ايتتى.
«مەن «بولاشاق» باعدارلاماسىن بىرەگەي باعدارلاما دەپ سانايمىن, سونىڭ ارقاسىندا مىڭداعان قازاقستاندىق جاستار الەمنىڭ ۇزدىك ۋنيۆەرسيتەتتەرىندە ءبىلىم الۋعا قول جەتكىزدى. الەمدە وسىنداي ءتيىمدى ءادىس ارقىلى زامان تالابىنا ساي, العان ءبىلىمىن پراكتيكادا قولدانا الاتىن ماماندار دايارلاپ وتىرعان ساناۋلى عانا ەل بار.
كەز كەلگەن ەلدىڭ ءوسىپ-وركەندەۋىنە جوعارى ءبىلىمى بار ءارى قازىرگى زامان تالابىنا تەز بەيىمدەلەتىن ادامدار قوماقتى ۇلەس قوسادى. ءاربىر ادام بىلىمگە ينۆەستيتسيا سالۋ, ناتيجەگە قول جەتكىزۋگە ۇمتىلىس جاساۋ قوعامنىڭ دامۋىنا ىقپال جاساپ, ءوزىنىڭ سۇرانىستاعى مامان بولۋىن قامتاماسىز ەتەتىندىگىن ءتۇسىنۋى قاجەت» دەدى سەرب عالىمى. جانە ءسوزىن اتاقتى سەرب عالىمىنىڭ پىكىرىمەن اياقتايدى.
«الەمگە ايگىلى سەرب عالىمى نيكولا تەسلانىڭ: «شاماڭا قاراي ارەكەت جاسا» دەگەن ماتەلدى بىلەسىز بە؟». بۇل - بوس ءسوز. ادامنىڭ قولىنان ءبارى كەلەدى» دەگەن ۇلاعاتتى سوزىمەن بولىسكىم كەلەدى» دەيدى سلاۆكو ۆۋكشا.
