«ArtsAcademy» - بۇل حورەوگرافيالىق ونەر جانە جالپى ونەر سالاسىنداعى العاشقى قازاقستاندىق مامانداندىرىلعان باسىلىم. ماقالالار ءۇش تىلدە: قازاق, اعىلشىن جانە ورىس تىلدەرىندە جاريالانادى. جۋرنال ساراپشىلار قازىرگى عىلىمي پروبلەمالارعا وزدەرىنىڭ كاسىپتىك كوزقاراسىن بىلدىرە الاتىن, وزدەرىنىڭ وقىتۋ ادىستەمەسىن ايتا الاتىن, ونەر سالاسىندا وتكىزىلگەن ءىس-شارالار تۋرالى اسەرلەر مەن بولىسە الاتىن ۇزدىك كوممۋنيكاتيۆتىك الاڭ بولادى.
جۋرنالدىڭ تۇساۋكەسەرىنىڭ راسىمىنە قر مادەنيەت جانە سپورت ءمينيسترى ارىستانبەك مۇحامەدي ۇلى قاتىستى. سونىمەن قاتار, ءىس-شاراعا قىتاي ۇلتتىق مۇناي-گاز كورپوراتسياسىنىڭ پرەزيدەنتى (China National Petroleum Corporation نەمەسە CNPC) چجاۋ تسزيپين باسشىلىق ەتۋىمەن قىتاي دەلەگاتسياسى قاتىستى.
حورەوگرافيا سالاسىنداعى ءبىرىنشى جۋرنال قازاقستان اۋماعىندا تاراتىلادى, شىعۋ مەرزىمدىلىگى ايىنا 2 رەت, 5 مىڭ دانا تيراجبەن شىعارىلاتىن بولادى, بىراق بولاشاقتا ونى باسقا ەلدەر دە تاراتۋدى جوسپارلاپ وتىرمىز».
تۇساۋكەسەرگە رەداكتسيالىق القانىڭ شەتەلدىك مۇشەلەرى, قر مادەنيەت جانە سپورت مينيسترلىگىنىڭ وكىلدەرى, شىعارماشىلىق جوعارى وقۋ ورىندارىنىڭ, عىلىمي ونەر ينستيتۋتتار مەن عىلىم بولىمدەرىنىڭ باسشىلارى, اتاقتى عالىمدار, سونداي-اق ەلدوردالىق بۇقارالىق اقپارات قۇرالدارى قاتىسقانىن اتاپ وتكەن ءجون.
