دەربەس پاراقشا "تۇڭعىش پرەزيدەنت فەنومەنى", "ەرەكشە تۇلعالىق بولمىسى" جانە "كوپشىلىك نازارىندا" اتتى باستى ءۇش كاتەگوريا بويىنشا بولىنگەن.
ءبىرىنشى تاراۋىندا ء"ومىربايانى جانە وتباسى", "بيلىك رامىزدەرى", "اتاقتارى مەن ماراپاتتارى", "حالىقارالىق بەدەلى", "حالىق تاڭداعان پرەزيدەنت" دەگەن ايدارلار بار. ال ەكىنشى تاراۋدا "استانا", "كىتاپتارى", "ماقالالارى", "اندەر", ء"حوببيى", "دايەكسوزدەرى" بار بولسا, ءۇشىنشى ايداردا قايراتكەرلىك قىزمەتىنىڭ جىلناماسى, سويلەگەن سوزدەرى, سۇحباتتار مەن رەپورتاجدار, فيلمدەر مەن كارتينالار جانە كىتاپتار مەن ماقالالار جاريالانعان.
