ايتۋلى پاسحا مەرەكەسىمەن شىن جۇرەكتەن قۇتتىقتايمىن!
بۇل – بارلىق قۇرلىقتاردى مەكەن ەتكەن كوپتەگەن ادامداردىڭ ومىرىندەگى ەرەكشە ءمانى بار مەيرام. بيىل پراۆوسلاۆتار مەن كاتوليكتەردىڭ ونى ءبىر مەزەتتە اتاپ ءوتۋى مەيرامنىڭ ءمانى مەن ماڭىزىن ارتتىرا تۇسۋدە.
ءبىزدىڭ ەلىمىزدە بارلىق ادامدار پاسحانى, سونداي-اق باسقا دا ماڭىزدى ءدىني مەرەكەلەردى جىلى سەزىممەن قابىلدايدى. بۇل بىرەگەي ءداستۇر ءبىزدىڭ قوعامىمىزدىڭ تاتۋلىق, دوستىق جانە كەلىسىم قۇندىلىقتارىمەن بەكىتىلگەن بىرلىگىن ايشىقتاي تۇسەدى.
بۇگىنگى تاڭدا بارلىق كونفەسسيالاردىڭ ءبىر-ءبىرىن سىيلاۋعا جانە اشىق پىكىرلەسۋگە نەگىزدەلگەن جەمىستى ىنتىماقتاستىعى – قازاقستاننىڭ ەرەكشە ماقتانىشى.
ەجەلگى پاسحا مەيرامى – جاڭعىرۋدىڭ, ىزگى ءۇمىت پەن جاعىمدى ىستەر جاساۋعا تالپىنىستىڭ نىشانى. وسىنىڭ بارلىعى جۇيەلى تۇردە تۇبەگەيلى وزگەرىستەردى جۇزەگە اسىرىپ جاتقان ەلىمىزدىڭ قازىرگى دامۋ كەزەڭىمەن ۇندەسىپ جاتىر.
جارقىن مەرەكەدە بارلىق قازاقستاندىقتارعا دەنساۋلىق, وتباسىلارىنا اماندىق, بارلىق باستامالارىنا تابىس تىلەيمىن!
