قاراعاندى وبلىسى اۋماعىنداعى «اقشاتاۋ-اعادىر» اۆتوجولىنىڭ 90-195 شاقىرىمى (166 شاقىرىم +750 م. جولدى سۋ شايدى) ارالىعىنداعى قوزعالىس شەكتەلدى. اينالما جول - «قاراعاندى-اقسۋ-ايۋلى-اقادىر» ارقىلى وتەدى. «قاراعاندى-اياگوز-بۇعاز» اۆتوجولىنىڭ 17-217 شاقىرىمىنداعى (43,141, 169, 174, 178 شاقىرىمدى سۋ شايدى) قاراعاندىدان قارقارالىعا دەيىن جول جابىق تۇر.
سونىمەن قاتار «باستاۋ-اقتاۋ-تەمىرتاۋ» جولىنىڭ 1-12 شاقىرىمىنداعى باستاۋدان اقتاۋ كەنتىنە دەيىنگى ۋچاسكەدە كولىكتەردىڭ جولعا شىعۋىنا تىيىم سالىندى.
ال شىعىس قازاقستان وبلىسىندا «سەمەي-قاينار» جولىنىڭ 8-166 شاقىرىمىندا (27 شاقىرىمدى سۋ شايعان) قوزعالىس شەكتەلدى. اينالما جول - «سەمەي-قاراۋىل» ارقىلى وتەدى.
وقو-دا سۋ تاسقىنىنا بايلانىستى «سامارا-شىمكەنت» اۆتوجولىنىڭ 2217-2235 شاقىرىمى ارالىعىندا (2229 شاقىرىم كوپىر) كولىكتىڭ بارلىق تۇرىنە قوزعالىس شەكتەلدى. ارىس وزەنى ارقىلى وتەتىن جاعالاۋ مەن كوپىر تىرەكتەرىن سۋ شايىپ كەتتى. اينالما جول - تەمىرلان اۋىلى ارقىلى وتەدى.
بۇدان بولەك, بۇگىن كەشقۇرىم اقمولا وبلىسى اۋماعىنداعى «كوكشەتاۋ-اتباسار» اۆتوجولىنىڭ 48-184 شاقىرىمىنداعى زەرەندى مەن اتباسارعا دەيىنگى جول جابىلدى. وسى رەتتە جولدىڭ 78, 111, 118 شاقىرىمدارىن سۋ شايعان.
سولتۇستىك قازاقستان وبلىسى اۋماعىنان وتەتىن «ەكاتەرينبۋرگ-الماتى» جولىنىڭ 729-768 شاقىرىمىنداعى قوستاناي وبلىسى مەن توقسان بي اۋىلى ارالىعىندا كولىك قوزعالىسى شەكتەلدى. مۇنىمەن قوسا وسى جولدىڭ بويىنداعى توقسان بيدەن باستاپ اقمولا وبلىسى شەكاراسىنا دەيىنگى ارالىق جابىلدى. «جەزقازعان-پەتروپاۆل» اۆتوجولىنىڭ 671-700 شاقىرىمى ارىلىعىنداعى توقسان بي اۋىلىنان باستاپ نوۆويشيم اۋىلىنا دەيىن كولىكتەردىڭ جولعا شىعۋىنا تىيىم سالىندى. قوستاناي وبلىسى اۋماعىندا قازىرگى ۋاقىتتا «ەكاتەرينبور-الماتى» جولىنىڭ 686-729 شاقىرىمىنداعى سارىكولدەن باستاپ سقو شەكاراسىنا دەيىن جول جابىق تۇر. سونىمەن قاتار «قوستاناي-اۋليەكول-سۇرعان» جولىنىڭ 170-216 شاقىرىمىندا كولىك قوزعالىسىنا شەكتەۋ ەنگىزىلدى. قازاۆتوجولدا اتاپ وتكەندەي, سۋ باسۋى مۇمكىن ۋچاسكەلەردە نىعايتۋ, بەكىتۋ جۇمىستارى ءجۇرىپ جاتىر, الدىن الۋ بەلگىلەرى قويىلىپ, تاۋلىك بويى كەزەكشىلىك ۇيىمداستىرىلدى.
