سەناتورلار ءبىرىنشى كەزەكتە اقمولا وبلىسى بويىنشا تسەلينوگراد اۋداندىق حالىققا قىزمەت كورسەتۋ دەپارتامەنتىنىڭ №1 اۋداندىق بولىمىندە بولدى. ودان كەيىن استانا قالاسىنداعى جەر كاداسترى جانە جىلجىمايتىن م ۇلىكتەردى تەحنيكالىق تەكسەرۋ دەپارتامەنتىنىڭ ديرەكتورى ە.تاشپەنبەتوۆ دەپۋتاتتاردى وسى مەكەمەنىڭ جۇمىسىمەن تانىستىردى.
سەنات دەپۋتاتتارى استانا قالالىق «الەۋمەتتىك تولەمدەردى ۆەدومستۆوارالىق ەسەپتەۋ ورتالىعى» ديرەكتسياسىنىڭ قارسى ءجانە بەك-كەڭسەلەرىندە بولدى. ونىڭ جۇمىسىمەن وسى ديرەكتسيانىڭ ديرەكتورى ب.ءجۇنىسوۆ حاباردار ەتتى.
كوشپەلى وتىرىس كەزىندە سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى ا.بەيسەنباەۆ ەسەپ بەرەتىن ۇكىمەتتى قالىپتاستىرۋ اياسىندا «ءبىر تەرەزە» قاعيداسى بويىنشا جەكە جانە زاڭدى تۇلعالارعا مەملەكەتتىك قىزمەت كورسەتۋلەر سالاسىنداعى «ازاماتتارعا ارنالعان ۇكىمەت» كورپوراتسياسى قىزمەتىنىڭ ماڭىزى زور ەكەنىن اتاپ ءوتتى.
شارا بارىسىندا اقپارات جانە كوممۋنيكاتسيالار مينيسترى د.اباەۆ, ۇلتتىق ەكونوميكا ءمينيسترىنىڭ ورىنباسارى ا.جۇماعۇلوۆ جانە «ازاماتتارعا ارنالعان ۇكىمەت» كوممەرتسيالىق ەمەس اكتسيونەرلىك قوعامى باسقارماسىنىڭ توراعاسى ا.وسپانوۆ ۇيىمنىڭ كەلەشەگى مەن وزەكتى ماسەلەلەرى تۋرالى بايانداما جاسادى.
سەنات كوميتەتىنىڭ توراعاسى ا.بەيسەنباەۆ وتىرىستى قورىتىندىلادى. ول كورپوراتسيا قىزمەتىنىڭ ءتيىمدى جاقتارىن اتاپ ءوتىپ, ءتۇرلى انىقتامالار مەن قۇجاتتار الۋ باعىتىندا اكىمشىلىك كەدەرگىلەر مەن مەرزىمىن قىسقارتۋعا قاتىستى بىرقاتار ۇسىنىستار ايتتى.
سەناتور, سونداي-اق, مەملەكەت باسشىسى ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ ماڭىزدى ماسەلەلەرىنە توقتالدى. وندا بۇل قۇجات قازاقستان پرەزيدەنتى رەفورمالارىنىڭ زاڭدى جالعاسى ەكەنى اتاپ كورسەتىلدى. ا.بەيسەنباەۆ مەملەكەت باسشىسىنىڭ «بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس, ادامدارىنىڭ ءباسەكەلىك قابىلەتىمەن ايقىندالادى», دەگەن دايەكسوزىنىڭ ماڭىزىنا نازار اۋداردى.
