ەل كونستيتۋتسياسىنا وزگەرىستەر ەنگىزۋ بويىنشا 16 ءساۋىر كۇنى وتكەن رەفەرەندۋمداعى داۋىس ساناۋ جۇمىستارى اياقتالدى. پرەزيدەنتتىك باسقارۋ جۇيەسىن ەنگىزۋدى جاقتاۋشىلار جەڭىسكە جەتتى. دەگەنمەن پرەزيدەنتتىك باسقارۋ جۇيەسىن قولداۋشىلار مەن وعان قارسىلاردىڭ اراسىنداعى ايىرماشىلىق اسا ۇلكەن ەمەس. نەبارى 1,25 ملن سايلاۋشى (51,3 پروتسەنت 48,7 پروتسەنتكە قارسى).
تۇركيانىڭ ورتالىق سايلاۋ كوميسسياسىنىڭ باسشىسى سادي گيۋۆەننىڭ مالىمدەۋىنشە, داۋىستاردى ساناۋ جۇمىستارى اياقتالۋعا تاياۋ. الدا 600-گە جۋىق بيۋللەتەندى وڭدەۋ عانا قالدى. وسىلايشا, رەفەرەندۋمنىڭ ناتيجەسى وسى كەزدەن-اق بەلگىلى دەپ ايتۋعا بولادى.
«بيۋللەتەندەردى وڭدەۋ شارالارىنىڭ الدىن الا ناتيجەلەرى رەفەرەندۋمدا «ءيا» دەپ داۋىس بەرگەندەر سانى 1,25 ملن-عا كوپ بولدى, بارلىعى 24,5 ملن. داۋىس بەرۋ قورىتىندىلارى «ءيا» دەپ وتىر. تولىق قورىتىندى ناتيجەلەر كەمىندە 11-12 كۇننەن سوڭ بەلگىلى بولادى», - دەدى گيۋۆەن.
ايتا كەتەيىك, رەفەرەندۋمنىڭ ارتىنشا دوللاردىڭ تۇرىك ليراسىندا شاققانداعى باعامى كۇرت تومەندەپ كەتكەن.
