شاراعا قالا اكىمىنىڭ ورىنباسارى ەرلان اۋكەنوۆ قاتىسىپ, كاسىپكەرلەرگە قولداۋ كورسەتتى. قىتايدا كولىك قۇراستىراتىن كومپانيا الماتى نارىعىنا 2011 جىلى كىرگەن. اۋەلدە اۆتوسالوندا 42 ادام جۇمىس ىستەگەن بولسا, قازىر ونىڭ سانى ارتىپتى. ديللەرلىك ورتالىق كۇردەلى جوندەۋدەن ءوتىپ, قىزمەت كورسەتەتىن ورتالىقتا ىسكە قوسىلعان. سونىڭ ارقاسىندا 24 جاڭا جۇمىس ورنى قۇرىلعان. اۆتوسالوندا قازىر 3 ءتۇرلى كولىك ماركاسى ساتىلادى. ال ديللەرلەر جىل سوڭىنا دەيىن تاعى 4 ماركانى جەتكىزۋدى جوسپارلاپ وتىر. ماشينالاردىڭ قۇنى تۇتىنۋشىلارعا قولجەتىمدى. كولىكتەر 3,5-5 ملن تەڭگە ارالىعىندا ساتىلادى. ال, نەسيەگە العىسى كەلەتىندەرگە 3 بانكپەن كەلىسىمشارت جاسالعان كورىنەدى.
«ءبىزدىڭ نارىققا ساپالى قىزمەت كورسەتەتىن ءارى ءتيىمدى باعا ۇسىنىپ وتىرعان تاعى ءبىر كومپانيا كىردى. ءبىز مۇندا ۇسىنىلعان كولىك تۇرلەرىن جانە ولاردىڭ باعالارىن كوردىك. 3 جانە 5 ملن تەڭگەنىڭ توڭىرەگىندەگى اۆتوماشينالار, بۇگىنگى كۇنى تۇتىنۋشىعا قولجەتىمدى دەپ ەسەپتەيمىز. ال مۇنداعى كەپىلدىكپەن كورسەتىلەتىن ساپالى قىزمەت الماتىنىڭ سەرۆيستىك قىزمەتىنىڭ جوعارى ەكەنىن دالەلدەيدى. ءبىز قالاعا ينۆەستيتسيا سالعان جاڭا كومپانيالاردىڭ قۇرىلۋىن, ەڭ باستىسى جاڭا جۇمىس ورىندارىنىڭ اشىلۋىن قاشاندا قولدايمىز», - دەدى قالا اكىمىنىڭ ورىنباسارى ەرلان اۋكەنوۆ.
