تاسقىن ايماعىنا كەلگەن وبلىس اكىمىنىڭ ورىنباسارى اندرەي لياپۋنوۆ ءوڭىر باسشىسى ەرلان قوشانوۆقا جاعداي كۇردەلى ەكەنىن جەتكىزدى.
«بۇعان كۇننىڭ كۇرت جىلىنۋى سەبەپ بولۋدا. سۋدىڭ تولاسسىز اعىنى ساقتالۋدا. نەگىزگى وزەندەر - نۇرا مەن شەرۋباي-نۇرا. سۋ تاسقىنىنىڭ ەڭ قاۋىپتى كەزى بۇگىن مەن ەرتەڭ. سوسىن ەكى كۇندە وزەننىڭ جوعارعى جاعىندا سۋ دەڭگەيى تومەندەيدى دەپ كۇتىلۋدە. كەلەسى اپتادا كوشىرىلگەن ادامدار ءوز ۇيلەرىنە قايتادى دەپ ويلايمىن», - دەدى اندرەي لياپۋنوۆ.
وبلىس اكىمى ەرلان قوشانوۆ سۋ باسۋى مۇمكىن نەعۇرلىم قاۋىپتى ورىندارعا بارىپ, سامارقاند سۋ قويماسىن تەكسەردى, سۋ باسۋى مۇمكىن قاراعاندى-پاۆلودار تاس جولىنا باردى. سۋ وتكىزۋ قۇرىلعىلارىنىڭ جاعدايىن باقىلادى. بارلىق جىلجىمالى كوماندالىق شتابتاعى جەدەل قىزمەتتى مۇستافين كەنتىنە جيناپ, اكىم قويمادان سۋ اعىزۋدى تاۋلىك بويى رەتتەۋدى تاپسىردى.
«تەرىس سالدارعا الىپ كەلمەس ءۇشىن شارالار قابىلداۋ قاجەت. بارلىق ەۆاكۋاتسيالانعان ادامدارعا جايلى جاعداي جاساۋدى تاپسىرامىن», - دەدى اكىم.
جەدەل قىزمەت ۇيىمداسىپ جۇمىس اتقارۋدا. ولارعا ءىىم ۇلتتىق گۆارديا ساربازدارى قوسىلدى.
