قازاقستان حالقى اسسامبلەياسى وبلىستىق فيليالى توراعاسىنىڭ ورىنباسارى سەيسەنباي جەتپىسباەۆتىڭ ايتۋىن-
شا, ءارتۇرلى ۇلت وكىلدەرىنەن قۇرالعان جاستارىمىزدىڭ بەلسەندىلىگى ءبىرىنشى كەزەكتە ەلباسىنىڭ بارشا قازاقستاندىقتاردى ۇلتارالىق جانە كونفەسسياارالىق كەلىسىمدى ودان ءارى نىعايتۋعا شاقىرعان ماقسات-مۇددەسىن ودان ءارى نىعايتۋعا باعىتتالۋدا. ەكىنشىدەن, جەرگىلىكتى اسسامبلەيانىڭ جاس قاناتىن قالىپتاستىرۋشى جانە شىعارماشىلىق ۇجىمداردا ءان سالىپ, بي بيلەيتىن ونەرلى ءارى باسقا دا قوعامدىق جۇمىستارعا قاتىساتىن بۇل جاستار بولاشاقتا ءبىزدىڭ جولىمىزدى جالعاستىرۋشى بۋىنىمىز.
ايتسا ايتقانداي, 1 ناۋرىز – العىس ايتۋ كۇنىنە وراي وتكەن مەرەكەگە ارنالعان كونتسەرتتە وزگە ۇلت وكىلدەرىنىڭ جاستارى ساحنانى كەرەمەت شۋاقتى ءان مەن كۇيگە بولەپ, جينالعان جۇرتشىلىقتى ءسۇيسىندىردى. ولار «اناگەنيسي» حورەوگرافيالىق ۇجىمى, «ميراس», «يالكىن», «ۆير», «رازدولە», «جاۋرانوچەك», «لازاركي», «كالىنوۆونامىستو», «دەيموكح», «نايري», «ودلاريۋردۋ», «مينگي تاۋ», «انەن», «سەسپەل», «ەۆريشيم», «ناستارين», «تەيبەلاح», «اۆيۆ» جانە «اناحنۋ», «نارتسيز» جانە «سىرەنى», «كاردەساپومۋسيكي», «سامرۋك» سياقتى ورىس, ۋكراين, بەلورۋس, تاتار-باشقۇرت, ەۆرەي, چەشەن, بالقار, كورەي تاعى باسقا ەتنوستاردىڭ ءان-بي انسامبلدەرىنىڭ ونەرلى جاستارى بولدى.
بۇل كۇندەرى دوستىق ۇيىندە وبلىستىق 23 ەتنومادەني بىرلەستىك, جاستار ءبىرلەستىگى, ۇلتتىق جاڭعىرۋ مەكتەبى, 42 شىعارماشىلىق ۇجىم جۇمىس ىستەيدى. س.تورايعىروۆ اتىنداعى مەملەكەتتىك ۋنيۆەرسيتەت جانىنان اسسامبلەيا كافەدراسى اشىلدى. وقۋ ورنىندا ەتنومادەني بىرلەستىكتەر جەتەكشىلەرىنىڭ, مۇشەلەرىنىڭ قاتىسۋىمەن اسسامبلەيانىڭ قۇرىلۋى, دوستىق, بىرلىك, قازاقستاندىق پاتريوتيزم, قازاق تىلىندە سويلەۋ, ۇيرەنۋ, تاۋەلسىزدىك جىلدارى قالىپتاسقان قازاقستاندىق مىنەز ۇعىمدارى جايلى ارنايى ءدارىس ساباقتارى ءوتكىزىلەدى. ماقسات – وتانشىل, ەلسۇيگىش, قازاق ءتىلىن انا ءتىلىم دەپ بىلەتىن, ەلىم, جەرىم دەپ ءجۇرگەن وزگە ۇلت وكىلدەرىنىڭ باسىن قوسۋ.
بىلتىر «بىرلىك-ەدينستۆو.KZ.» شەكارالاس ىنتىماقتاستىق جاستار فورۋمى ءوتتى. وعان رەسەي, ارمەنيا, بەلارۋس, قىرعىزستان, وڭتۇستىك كورەيا, تاجىكستان, گەرمانيا جانە پولشا جاستارى قاتىستى. سونداي-اق, «ەرتىس – دوستىق وزەنى» شەكارالاس ىنتىماقتاستىقتىڭ حالىقارالىق فەستيۆالىن وتكىزۋ داستۇرگە اينالدى. قازىر دوستىق ۇيىندە فولكلورلىق, درامالىق, حورەوگرافيالىق ۇجىمدار قىزمەت جاساۋدا. مىسالى, «دوستىق» انسامبلى, بيشىلەر توبى, بوندۋراشىلار انسامبلى, ۆوكالدىق توپ, «بىرلىك» مەكتەپ حورى, «اراي», «ۋچتاۋلار» بي توپتارى, دەكوراتيۆتى-قولدانبالى ونەر ستۋدياسى جۇمىس ىستەيدى.
– ءبىز تۇراتىن ءۇي وتە كوڭىلدى. بۇل ءبىرلىك پەن دوستىقتىڭ شاڭىراعى, – دەيدى جاستار.
ۇلتتىق جاڭعىرۋ مەكتەبىندە 14 ۇلتتىق ورتالىقتىڭ بولىمشەسى, 2 مادەنيەتتانۋ ورتالىعى بار. ساباقتار وتكىزۋ ءۇشىن 14 وقۋ كابينەتى, 2 مۋلتيمەديالىق كابينەت, 1 مۋزىكالىق ستۋديا جابدىقتالعان. جىل سايىن مەكتەپكە 500-دەن استام وقۋشى بارادى.
ءيا, مۇندا كۇن سايىن وسىنداي ساۋىق-سايران. دوستىق ۇيىندەگى جاستار ەتنوبىرلەستىكتەر ۇلكەندەرىمەن بىرگە ناۋرىز مەيرامىن كوڭىلدەگىدەي قارسى الىپ وتكىزسە, ەندى 1 مامىر – قازاقستان حالقىنىڭ بىرلىگى كۇنى مەرەكەسىنە قىزۋ دا-
يىندالۋدا. تاڭەرتەڭنەن كەشكە دەيىن كلۋبتاردا ساباقتار وتەدى, 18 ۆوكالدىق-حور جانە 16 حورەوگرافيالىق ۇجىم رەپەتيتسيا جاسايدى, ولاردا ءارتۇرلى جاستاعى ادامدار بار.
فاريدا بىقاي,
«ەگەمەن قازاقستان»
سۋرەتتى تۇسىرگەن
ماقسات ايتباي
پاۆلودار
