قاتارداعى قازاقستان ازاماتشاسى رەتىندە دە, مەملەكەتتىك قىزمەتكەر رەتىندە دە ماقالانىڭ ءار ءسوزى كوڭىلىمنىڭ ءتورىنەن ورىن الدى جانە مەملەكەتتىگىمىزدىڭ دامۋىنىڭ كەلەسى كەزەڭىندە جۇزەگە اسىرا وتىرىپ, ەڭ باستى قۇندىلىعىمىز – قازاقستان تاۋەلسىزدىگىن ساقتاۋ ءۇشىن جوسپارلانعان رۋحاني جاڭعىرۋدىڭ تەتىگى, دەپ ويلايمىن.
ءيا, ەلباسى نۇرسۇلتان ءابىش ۇلى نازارباەۆ انىق ايتقانداي, حالىق ءباسەكەگە قابىلەتتىلىگىن ارتتىرسا عانا تابىسقا جەتپەك. حالىقتىڭ باسەكەگە قابىلەتتى بولۋى دەگەنىمىز – قوعامنىڭ ءاربىر مۇشەسىنىڭ الەۋمەتتىك, ەكونوميكالىق, ساياسي باسەكەگە قابىلەتتى بولۋعا ۇمتىلۋى, ياعني قوعامدىق سانانىڭ ءوسۋىن, جاڭعىرۋىن قامتاماسىز ەتۋ.
بۇل ورايدا, قازاقستاندىق ايەلدەر قاۋىمداستىعىنىڭ قوعامداعى ورنى, بەلسەندىلىگى جىلدان-جىلعا قارشىنداپ كۇشەيىپ كەلە جاتقاندىعى تاۋەلسىزدىكتىڭ ارقاسىندا قول جەتكەن ءبىر يگىلىگىمىز ەكەندىگى انىق. قازىرگى ۋاقىتتا بۇل باعىتتاعى الەۋەتتىڭ مىقتى ەكەندىگىن پرەزيدەنت جانىنداعى ۇلتتىق كوميسسيا ءوتكىزگەن ساراپتامانىڭ ءناتيجەسىندە كورىپ وتىرمىز.
ەڭ الدىمەن وتباسىلىق قۇندىلىقتاردىڭ يەسى, ساقتاۋشىسى جانە كەلەسى ۇرپاققا جەتكىزۋشىسى رەتىنە, سودان كەيىن زامان تالابىن – كاسىپكەرلىكتى يگەرگەن, ساياسي بەلسەندىلىك تانىتىپ, قىرۋار الەۋمەتتىك جوبالار مەن ىزدەنىستەردىڭ اۆتورى بولىپ وتىرعان قازاقستاندىق ايەلدەر قاۋىمداستىعى ەلباسى ايتقان جاڭا تاريحي كەزەڭدە ۇلتىمىز ءۇشىن, مەملەكەتىمىز ءۇشىن اتقارىلاتىن اسا ماڭىزدى مىندەتتەردى بەلسەندى تۇردە جۇزەگە اسىرۋشى, ۇيىمداستىرۋشى, بولماق.
ءلاززات سۇلەيمەن,
قازاقستان رەسپۋبليكاسىنىڭ پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى
