اقپارات ءداۋىرى اتالاتىن ءححى عاسىر بىزگە ءوزىنىڭ جەدەلدىگىمەن, جۇيرىكتىگىمەن, وزگەرىستەرىمەن بىرگە, ءوزىنىڭ جاڭا دەڭگەيدەگى تالاپتارىمەن كەلىپ وتىر. تاڭەرتەڭگى جاڭالىق تۇسكە دەيىن ەسكىرىپ قالاتىن زامان ادامنان بىلىكتى بولۋمەن قاتار شيراقتىقتى دا تالاپ ەتەدى. وسىنداي كۇردەلى ۋاقىتتا ءبىزدىڭ مەملەكەتىمىزدىڭ, حالقىمىزدىڭ الدىندا رۋحاني جاڭعىرۋعا باستايتىن اسا جاۋاپتى ىستەر كۇتىپ تۇر.
تاريحي قالىپتاسقان ءبىزدىڭ ۇلتتىق داستۇرلەرىمىز اقپارات ءداۋىرىندە وسى زامانداعى وزىق ءداستۇرلەرمەن ۇيلەسىم تابۋى ءۇشىن قاجىرلىلىقپەن ەڭبەكتەنۋگە تۋرا كەلەدى. ەلىمىزدىڭ جوعارى جەتىستىكتەرگە جەتۋىنە ونىڭ تابيعي بايلىعى ەمەس, ادامي كاپيتال ساپاسى, ادامدارىنىڭ ءبىلىمى مەن باسەكەگە قابىلەتى, ونى ءىسكە اسىراتىنداي دەنساۋلىق ساپاسى ىقپال ەتەدى. سوندىقتان, ءبىزدىڭ ءاربىر وتانداسىمىز, ءاربىر قازاقستاندىق الدىنا ۇلكەن ماقسات قويىپ, تابىسقا جەتۋگە ۇمتىلۋى كەرەك, ءسويتىپ, ءححى عاسىرعا لايىقتى بولۋى ءتيىس.
مەملەكەت باسشىسىنىڭ بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنان تۋىندايتىن مىندەتتەر مەن «تسيفرلى قازاقستان», «ءۇش تىلدە ءبىلىم بەرۋ», «مادەني جانە كونفەسسياارالىق كەلىسىم» سياقتى باعدارلامالار ۇلتىمىزدى, ياعني بارشا قازاقستاندىقتى ءححى عاسىردىڭ تالاپتارىنا دايارلاۋدى كوزدەيدى.
رۋحاني جاڭعىرۋ جولىندا بىزگە ەلدى ەلەڭ ەتكىزەتىندەي توسىن جاڭالىق جاساۋ ەمەس, بابالاردان ميراس بولعان ىزگى قاسيەتتەردى قايتا تۇلەتىپ, اسىلدارىمىزدى ارداقتاپ, ۇلتتىق قازىنالارىمىزدى قاستەرلەپ, بارىمىزدىڭ قادىرلەيتىن, ادامزاتقا يگىلىك پەن ادامگەرشىلىك اكەلەتىن التىن دىڭگەك بولعان داعدىلى ءداستۇرلەرىمىزدى وركەندەتۋ مىندەتى تۇر. سالت-ءداستۇرلەرىمىز, ءتىلىمىز بەن مۋزىكامىز, ادەبيەتىمىز بەن مادەني قۇندىلىقتارىمىز بارشانىڭ يگىلىگىنە اينالىپ, قۇرمەتتەلۋى ءتيىس.
بۇگىنگى ۇرپاق ءار سالادان حاباردار بولا وتىرىپ, ءوز ماقساتىنا جەتۋگە, ءبىلىم الۋعا, سالاماتتى ءومىر سالتىن ۇستانۋعا, كاسىبي تۇرعىدان جەتىلۋگە باسىمدىق بەرە وتىرىپ, وسى جولدا ءار ءنارسەنى ۇتىمدى پايدالانا ءبىلۋى شارت. ءبىزدىڭ بولمىسىمىزعا ءتان ۇستامدىلىق, قاناعاتشىلدىق پەن قاراپايىمدىلىق, ۇنەمشىلدىك پەن ورىندى پايدالانا ءبىلۋ ءبىزدىڭ ءوز بەينەمىزدى تانىتادى, مىنەزىمىز بەن ءمادەنيەتىمىزدەن حاباردار ەتەدى. ۇلتتىق كود سيپاتىنداعى ەڭ ىزگى بەلگىلەر مەن يگى قاسيەتتەردى ساقتاي ءبىلۋ – ءبىزدىڭ ورتاق پارىزىمىز.
ءححى عاسىردا ەشكىمگە ۇقسامايتىن, دەربەس ورنى بار ۇلتقا اينالۋدى كوزدەيتىن «جاھانداعى زاماناۋي قازاقستاندىق مادەنيەت» جوباسى ىسكە اسىرىلادى. ءبىزدىڭ مادەني قۇندىلىقتارىمىز بەن قازىنالارىمىز دا الەمگە كەڭىنەن قانات جاياتىن بولادى. مادەني ءونىمدەرىمىز مۋلتيمەديا قۇرالدارى ارقىلى كورىنىس تابادى.
دۇربەلەڭگە تولى دۇنيەدە بارلىق مەملەكەتتەر دە زامانعا سايكەس جاڭعىرۋدى قالايدى. ۋاقىت جىلدام وزگەرەدى, عاسىرلار دامۋ ەرەكشەلىكتەرىمەن ەستە قالادى. ۋاقىت ۇدەسىنەن شىعۋ ءۇشىن جاڭعىرۋ ءبىزدىڭ وزىمىزگە كەرەك, تاريح تا سونىمەن جاسالادى. رۋحاني جاڭعىرۋ ءبىزدىڭ بارشا قازاقستاندىقتارعا جاڭا مىندەتتەر جۇكتەيدى. ءبىز ول بيىكتى دە باعىندىرامىز.
قايرات يششانوۆ,
پارلامەنت سەناتىنىڭ دەپۋتاتى
