تاراپتار ەكىجاقتى ىنتىماقتاستىقتىڭ جانە حالىقارالىق كۇن ءتارتىبىنىڭ وزەكتى ماسەلەلەرى, ونىڭ ىشىندە سيرياداعى احۋالى, ورتالىق ازياداعى دامۋ كەلەشەكتەرى جانە قر بۇۇ قاۋىپسىزدىك كەڭەسىندە تۇراقتى ەمەس مۇشەلىگى مانماتىندەگى اۋعانستانعا قولداۋ كورسەتۋ جونىندەگى دۇنيەجۇزىلىك قاۋىمداستىقتىڭ شارالارى, «جىبەك جولى ەكونوميكالىق بەلدەۋى» قىتايلىق باستاماسىن ىسكە اسىرۋ بارىسى جانە حالىقارالىق ماڭىزى, قازاق-نەمىس ساۋدا-ەكونوميكالىق ىنتىماقتاستىعى, «ەكسپو-2017» كورمەسىنە گەرمانيانىڭ قاتىسۋى, قر ازاماتتارى ءۇشىن شەنگەن ەلدەرىنە بارۋ ءۇشىن ۆيزالىق ءتارتىپتى جەڭىلدەتۋ, قر مەن ەو اراسىنداعى كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمنىڭ راتيفيكاتسيالاۋى بويىنشا ماسەلەلەرى تالقىلاندى.
ق. ءابدىراحمانوۆ 4 ساۋىردە قازاقستان بارلىق مۇددەلى تاراپتاردىڭ قاتىسۋىمەن, بۇۇ جانە حيميالىق قارۋعا تىيىم سالۋ جونىندەگى ۇيىم قولداۋىمەن سيريادا حيميالىق قارۋدى قولدانۋى مۇمكىن فاكتىسىنە قاتىستى وبەكتيۆتى, جان-جاقتى جانە تياناقتى تەرگەۋ جۇرگىزەتىنىن اتاپ ءوتتى. سونىمەن قاتار, مينيستر قازاقستان سيريادا تۇراقتى بىتىمگە جەتۋ ماقساتىندا استانا كەلىسسوزدەر پروتسەسىن جالعاستىرۋ ءۇشىن ءارى قاراي پلاتفورمانى قامتاماسىز ەتۋگە دايىن ەكەنىن اتادى.
ورتالىق ازيا مەن اۋعانستانداعى احۋال تۋرالى ايتقاندا, ق. ءابدىراحمانوۆ قازاقستان ەكىجاقتى نەگىزدە كومەك كورسەتۋدە جالعاستىراتىنىن اتاپ, اۋعانستانعا قولعابىس كورسەتۋدە كوپجاقتى مەحانيزمدەرىن قولداۋ تۋرالى ءوڭىردىڭ بارلىق بەس ەلدىڭ تاسىلدەرى ورتاق ەكەنىن ماڭىزدى فاكت رەتىندە اتاپ ءوتتى.
ق. ءابدىراحمانوۆ قازاقستان مەن گەرمانيا اراسىندا ديپلوماتيالىق قاتىناستار ورناعان كەزەڭنەن باستاپ 25 جىل ىشىندە ەلدەرىمىز اراسىندا ەكىجاقتى ىنتىماقتاستىقتىڭ جوعارعى دامۋ دەڭگەيىنە جەتكەنىن, اۋقىمدى شارتتىق – قۇقىقتىق بازاسىنىڭ قۇرىلعانىن, قوماقتى كولەمدە ديالوگتىق الاڭدار مەن ءوزارا ءىس-قيمىل تەتىكتەردىڭ ىستەپ تۇرعانىن اتاپ ءوتتى. مينيستر ءوزارا ارەكەت ەتۋدى دامىتۋدا پارلامەنتتىك ديپلوماتيانىڭ ماڭىزدى ءرولىن باسا اتاپ, سونداي-اق نەمىس تاراپىن قازاقستانداعى سوڭعى كونستيتۋتسيالىق رەفورمانىڭ ءمانى تۋرالى حاباردار ەتتى.
ءوز كەزەگىندە, م. گرۋند قازاقستانمەن پارلامەنتارالىق ىنتىماقتاستىق ماسەلەلەرىمەن 20 جىلدان استام اينالىسۋ بارىسىندا ەلىمىزدىڭ ساياسي جانە الەۋمەتتىك-ەكونوميكالىق تابىستى دامۋىن قىزىعۋشىلىقپەن بايقاعانىن ايتتى. «پرەزيدەنت نۇرسۇلتان نازارباەۆتىڭ باسشىلىعىمەن ەل ىشىندە ەتنوسارالىق كەلىسىمدى قامتاماسىز ەتىپ قويماي, سونداي-اق تەڭدەستىرىلگەن سىرتقى ساياساتتى قۇردى, ال قازىر قازاقستان ورتالىق ازياداعى تۇراقتىلىقتىڭ كەپىلى بولىپ تابىلادى», - دەپ اتادى گەرمانيا بۋندەستاگىنىڭ مۇشەس. سونىمەن بىرگە, ول دەموكراتيا مەن ساياسي جۇيەنىڭ تۇراقتىلىق قاعيداتتارىن نىعايتۋعا باعىتتالعان قازاقستان رەسپۋبليكاسىنىڭ كونستيتۋتسياسىنا سوڭعى وزگەرىستەرىنىڭ وڭ سيپاتىن اتاپ ءوتتى.
تاراپتار ارىپتەستىكتىڭ «دە-فاكتو» ستراتەگيالىق دەڭگەيىن بەلگىلەدى. قازىرگى تاڭدا قازاقستان ەكونوميكاسىنىڭ شەتەلدىك ينۆەستورلارىنىڭ اراسىندا ەۋروپا ەلدەرى ىشىنەن گەرمانيا باستى وندىققا جانە مەملەكەتىمىزدىڭ ساۋدا ارىپتەستىگىنىڭ باستى بەستىگىنە كىرەدى.
2016 جىلى ساۋدا اينالىمى 1,7 ملرد. اقش دولل. قۇرادى. قازاقستان مەن گەرمانيا اراسىنداعى شيكىزات, ونەركاسىپ جانە تەحنولوگيالىق سالالارداعى ارىپتەستىك تۋرالى كەلىسىمنىڭ بىرلەسە ىسكە اسىرىلۋى ەكى ەل اراسىنداعى ساۋدا-ەكونوميكالىق ىنتىماقتاستىقتىڭ دامۋىندا ماڭىزدى ءرول اتقارادى.
2012 جىلدان باستاپ قازاقستاندا قوسارلى كاسىپتىك-تەحنيكالىق ءبىلىم بەرۋ سالاسىندا «نازارباەۆ-مەركەل» باستاماسى بويىنشا گەرماندىق مودەل ەنگىزىلۋدە.
الماتىدا ورنالاسقان قازاق-نەمىس ۋنيۆەرسيتەتى, گيوتە اتىنداعى ينستيتۋتتىڭ جانە نەمىس اكادەميالىق الماسۋلار قىزمەتىنىڭ (DAAD) قازاقستانداعى وكىلدىكتەرى ءبىلىم بەرۋ سالاسىنداعى ىنتىماقتاستىقتىڭ باسقا جەمىستى ۇلگىسى بولىپ تابىلادى. سونىمەن قاتار, گەرمانيادا ءبىلىم الاتىن قازاقستاندىق ستۋدەنتتەر سانىنىڭ كوبەيۋىنە بايلانىستى, 2009 ج. گفر-دا «بولاشاق» حالىقارالىق باعدارلامالار ورتالىعىنىڭ وكىلدىگى اشىلدى.
كەزدەسۋ بارىسىندا, ق. ءابدىراحمانوۆ قازاقستان مەن ەكى ەل اراسىنداعى, سونداي-اق ەۋروپالىق وداقپەن جالپى ادامي بايلانىستارىن ءارى قاراي كەڭەيتۋ تاقىرىبىن جەكە اتاپ, قازاقستان ءوز تاراپىنان سالماقتى قادام باسۋدا ەكەنىن اتاپ ءوتتى. وسىلايشا, جىل باسىنان ەكونوميكالىق ىنتىماقتاستىق جانە دامۋ ۇيىمى جانە ەو مۇشە مەملەكەتتەرىنىڭ ازاماتتارىنا ەلىمىزگە كەلۋ ماقساتىندا تولقۇجاتتاردىڭ بارلىق تۇرلەرىنە 30 كۇنگە دەيىن ۆيزاسىز ءتارتىپ ورناتىلعان, شەتەل ينۆەستورلارى, ىسكەر دەلەگاتسيالارى جانە تۋريستەردىڭ ەلگە كەلۋىن جەڭىلدەتۋ بويىنشا شارالار قابىلداۋدا ارەكەت ەتىلۋدە. سونىمەن بىرگە, قازاقستان ازاماتتاردى قۇجاتتاندىرۋ سالاسىندا باقىلاۋ ستاندارتتارىن ارتتىرۋدا, مەملەكەت رەتىندە كوشى-قون تاۋەكەلىن كورسەتپەيدى, سوندىقتان قازاقستاندىقتار ءۇشىن شەنگەن ايماعى ەلدەرىنە بارۋ ۆيزا ءتارتىبىن جەڭىلدەتۋ بويىنشا ەۋروپالىق تاراپىنان كسىك-تا بەكىتىلگەن كەلىسىمدەرگە سايكەس كەلەتىن ىڭعايلاسپا مامىلەسىن كۇتۋدە.
كسىك راتيفيكاتسيالاۋ تاقىرىبىن تالقىلاۋ كەزىندە تاراپتار بارلىق مۇددەلى تاراپتاردىڭ مۇددەسىنە جاۋاپ بەرەتىن اتالعان اۋقىمدى كەلىسىمنىڭ تولىق جانە تەز كۇشىنە ەنەتىنىنە, جانە دە بۇل باعىتتا بەلسەندى جۇمىسىن جالعاستىرۋعا كەلىستى.
گەرمان دەلەگاتسياسىنىڭ استانادا بولاتىن كەزىندە پارلامەنتتىڭ قوس پالاتالارىنىڭ توراعالارىمەن, قر ينۆەستيتسيالار جانە دامۋ مينيسترىلىگىنىڭ جانە «استانا ەكسپو-2017» اق باسشىلىعىمەن كەزدەسۋلەرى جوسپارلانۋدا.
