ۇگىن قر ينۆەستيتسيالار جانە دامۋ ءمينيسترى جەڭىس قاسىمبەك جۇمىس ساپارىمەن پاۆلودار وبلىسىنا بارىپ, سالىنىپ جاتقان استانا-پاۆلودار اۆتوجول ۋچاسكەسىندەگى جۇمىستىڭ ۇيىمداستىرىلۋ دەڭگەيىن قاداعالادى.
شاراعا «قازاۆتوجول» ۇك» اق مەن ونىڭ اقمولا مەن پاۆلودار وبلىستارىنداعى فيليالدارىنىڭ, «اقمولاجوللابوراتوريا» جانە «پاۆلودارجوللابوراتوريا» رەسپۋبليكالىق مەملەكەتتىك مەكەمەلەرىنىڭ باسشىلىعى, سونىمەن بىرگە, استانا-پاۆلودار اۆتوجولى جوباسىنىڭ قۇرىلىسىنا تارتىلعان بارلىق مەردىگەر ۇيىمداردىڭ باسشىلارى قاتىستى.
ج.قاسىمبەك ءوز سوزىندە «نۇرلى جول» مەملەكەتتىك باعدارلاماسى اياسىندا جۇزەگە اسىپ جاتقان بۇل جوبانىڭ ستراتەگيالىق ماڭىزىن ايرىقشا اتاپ ءوتتى. سونداي-اق, مينيستر قۇرىلىس جۇمىستارىن جوسپارلانعان مەرزىمدە جانە جوعارى ساپادا جۇرگىزۋ كەرەكتىگىنە توقتالدى.
كەزدەسۋ بارىسىندا مەردىگەرلەردىڭ تەحنيكالىق جابدىقتارى, جول قۇرىلىسى ماتەريالدارىن دايىنداۋ سياقتى تاعى باسقا دا ماسەلەلەر تالقىلاندى.
