سونداي-اق قازاقستاندىق ءونىم شەتەلگە (شامامەن 30 ەل) ەكسپورتتالماق, وندا قازاقستاندىق پاۆيلوندار قۇرىلادى.
بۇگىنگى كۇننىڭ وزىندە Festival Avenue ساۋدا ورتالىعىنا 30 برەند شىعارىلعان.
پاۆيلوننىڭ ءبىرىنشى قاباتىندا قازاقستاندىق وندىرۋشىلەردىڭ كادەلىك ونىمدەرى ساتىلۋدا, ەكىنشى قاباتتا جەڭىل ونەركاسىپ تاۋارلارى بار. ءۇشىنشى قاباتتا دەگۋستاتسيالاۋ زالى ورنالاسقان, وندا قازاقستاندىق ونىمدەردىڭ ءدامىن تاتىپ كورۋگە دە, ساتىپ الۋعا دا بولادى.
سونداي-اق, "حالىق ماركاسى" فەدەراتسياسىنىڭ استانا قوناقجايلارىندا كادەلىك ونىمدەردىڭ اسسورتيمەنتىن كەڭەيتىپ,مەيرامحانالاردىڭ مازىرىنە قازاق ۇلتتىق تاعامدارىن قوسپاق ويلارى بار.
قازاقستاندىق ونىمدەردى تانىتۋشى ستەندتەر جۋىق ارادا ەۋروپالىق ەلدەردىڭ, ءازىربايجان, قىرعىزستان, رەسەي جانە تۇركيانىڭ Duty free جەلىلەرىنە شىعارىلادى.
بۇدان بولەك, قازاقستاندىق وندىرۋشىلەردى قولداۋ ماقساتىندا «قازاقستاندىق تاۋارلار مەن قىزمەتتەر ساپاسىنا باقىلاۋ "حالىق ماركاسى" فەدەراتسياسى» "Miss Expo Made in Kazakhstan-2017" سۇلۋلىق فەستيۆالىنىڭ باستالىپ وتىرعاندىعىن جاريالايدى.
فەستيۆالدىڭ ماقساتى مەن مىندەتى – جاڭا, جارقىن يدەيالاردى تابۋ, قازاقستاندىق برەندتەردى ىلگەرلەتۋ جانە قازاقستاننىڭ تۋريستىك مۇمكىندىكتەرىن جارنالاماۋ.
بايقاۋعا قازاقستاننىڭ 84 قالاسىنان 14 پەن 22 جاس ارالىعىنداعى قىزدار قاتىسا الادى.
وتىنىشتەر 2017 جىلدىڭ 15 ءساۋىرى مەن 05 ماۋسىمى ارالىعىندا قابىلدانادى.
بايقاۋعا قاتىسۋشىلار ءوز قالاسى تۋرالى 1 مينۋت كولەمىندە بەينەتانىستىرىلىم ازىرلەۋى ءتيىس.
سونداي-اق سول قالادا شىعارىلاتىن ءۇش تاۋار نە قىزمەت جارنامالانادى (كادردا قىز بالانىڭ قاتىسۋىمەن ءۇش سۋرەت بولۋى كەرەك).
بايقاۋ جەڭىمپازى سايتقا كىرۋشىلەر اراسىندا جۇرگىزىلەتىن اشىق تۇردە ينتەرنەت-داۋىس بەرۋ ارقىلى ايقىندالادى.
