كونفەرەنتسيانى وڭىرلىك حابتىڭ باسقارۋشى كوميتەت تورعاسى اليحان بايمەنوۆ, قر پرەزيدەنتى جانىنداعى اكادەميا رەكتورى فاتيما جاقىپوۆا, AAPA پرەزيدەنتى پان سۋك كيم, بۇۇ باس حاتشىسىنىڭ وڭتۇستىك-وڭتۇستىك ىنتىماقتاستىعى بويىنشا ۋاكىلى حورحە چەديەك اشتى.
«قازاقستانداعى كونفەرەنتسيانىڭ استانادا العاش وتكىزىلۋى ارىپتەستىكتىڭ كەڭەيۋى مەن حابتىڭ عانا ەمەس, قازاقستاننىڭ حالىقارالىق ارەناداعى ءرولىنىڭ ارتقانىن اڭعارتادى. AAPA مەن حاب - ايماقارالىق جانە ايماقتىق ىنتىماقتاستىقتى دامىتۋعا سەرپىن بەرەتىن تۇعىرنامالار», - دەپ اتاپ ءوتتى وڭىرلىك حابتىڭ باسقارۋشى كوميتەت تورعاسى اليحان بايمەنوۆ.
قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا مەملەكەتتەردىڭ باسقارۋ جۇيەسىنە الەمدە تۋىندايتىن تەگەۋرىندى تالاپتاردىڭ ىقپال ەتەتىنىن اتاپ ءوتتى.
«الەمدىك ەكونوميكاداعى داعدارىستى كورىنىستەرگە جانە تۇراقسىز ساياسي جاعدايعا نەگىزدەلگەن الەۋمەتتىك-ەكونوميكالىق ترانسفورماتسيا مەملەكەتتىك بيلىك ورگاندارىنان ۇزاق مەرزىمدى ورنىقتى دامۋدى قامتاماسىز ەتۋ مەن تۇراقتاندىرۋ بويىنشا مىندەتتەردى العا قويۋدى جانە ولاردى شەشۋدى تالاپ ەتەدى. وسى كۇندەرى استانا قالاسىندا العاش رەت وتكىزىلىپ وتىرعان ازيا مەملەكەتتىك باسقارۋ قاۋىمداستىعىنىڭ كونفەرەنتسياسى پراكتيكالىق ماڭىزدى ۇسىنىمداردى ازىرلەۋدىڭ قالىپتاسقان كووپەراتسيا داستۇرلەرىن كورسەتىپ بەردى», - دەپ ايتتى فاتيما جاكىپوۆا.
«بۇل الاڭ عالىمدار مەن پراكتيكتەر اراسىندا بايلانىس ورناتىپ, ىنتىماقتاستىقتى ارتتىرۋعا, عىلىمي جۇمىستار ءۇشىن دە تاماشا مۇمكىندىكتەر بەرەدى», - دەدى پاك سۋك كيم.
ونىڭ ايتۋىنشا, «مۇنداي ىنتىماقتاستىق ازياداعى جانە جالپى الەمدەگى مەملەكەتتىك باسقارۋ سالاسىنداعى جاڭا كاسىبي قارىم-قاتىناستاردى دامىتۋعا جول اشادى».
جوعارى دەڭگەيدەگى «پانازيالىق ديالوگ: ءتيىمدى باسقارۋ جانە تۇراقتى دامۋ ماقساتتارى» اتتى سەسسيادا ازيالىق, ونىڭ ىشىندە, جاپونيا, كورەيا, ءۇندىستان, قازاقستان ۋنيۆەرسيتەتتەرى مەن كاسىبي ۇيىمدار جەتەكشىلەرى تۇراقتى دامۋ ماقساتتارىنا جەتۋ جولىنداعى مەملەكەتتىك باسقارۋ ءرولى مەن ازيالىق قۇرلىقتا ارىپتەستىكتى كەڭەيتۋ جولدارىن تالدادى.
ءارتۇرلى سەسسيالاردا, ونىڭ ىشىندە جاس عالىمدار فورۋمىندا يندونەزيا, قىتاي, ۆەتنام, نەپال, تايۆان, تاجىكستان جانە باسقا ەلدەردەن كەلگەن قاتىسۋشىلار ساندىق تەحنولوگيالار داۋىرىندەگى مەملەكەتتىك باسقارۋدى دامىتۋ, زەرتتەۋ جۇمىستارىن جاساۋ, مەملەكەتتىك قىزمەتكەرلەردى وقىتۋ سياقتى ماسەلەلەردى قاراۋدا. ولار ازيالىق ەلدەردىڭ بىرەگەي تاجىريبەلەرىن, ونىڭ ىشىندە يندونەزياداعى مەريتوكراتيا قاعيداتتارىنا نەگىزدەلگەن مەملەكەتتىك اپپاراتتى دامىتۋ, فيليپپينداعى ەلەكتروندى ۇكىمەتكە دەگەن سەنىمدى ارتتىرۋ, ۇندىستانداعى IT رەفورمالار جەتىستىكتەرى, قىتايداعى ەكولوگيالىق ساياسات جانە تاعى باسقا ماسەلەلەردى قاراۋدا.
عالىمدار مەن پاركتيكتەر اراسىنداعى پىكىر جانە تاجىريبە الماسۋ ازيالىق قۇرلىقتاعى مەملەكەتتىك باسقارۋ جۇيەسىن جەتىلدىرۋ بويىنشا ورتاق ۇسىنىستار ازىرلەۋگە مۇمكىندىك بەرەدى.
