بيىل فەستيۆال العاش رەت بىردەن ەكى قالادا – استانا مەن الماتىدا وتەدى. باعدارلاماعا كىرگەن فيلمدەر الۋان ءتۇرلى جانرلاردى قامتيدى: شىتىرمان وقيعالار, بيوپيك, پەر ريشار مەن كريستيان كلاۆە وينايتىن كومەديا, كاترين دەنەۆ وينايتىن مەلودراما جانە «كاباچوكتىڭ ءومىرى» انيماتسياسى («وسكار» سىيلىعىنىڭ نومينانتى). سونىمەن قاتار قازاقستاندىق كورەرمەن ادەتتەگىدەي «قىسقا مەتر» باعدارلاماسىن تاماشالايدى. بيىل اتالمىش باعدارلاما اياسىندا 15 تۋىندى ۇسىنىلادى.
فەستيۆالدىڭ اشىلۋى (الماتى) مەن جابىلۋى (استانا), سونداي-اق ونىڭ نەگىزگى كورسەتىلىمدەرى فەستيۆالدىڭ باستى الاڭى بولىپ تابىلاتىن «ارمان» كينوورتالىعىندا وتەدى. فەستيۆالدى UniFrance كومپانياسى جانە فرانتسيانىڭ قازاقستانداعى ەلشىلىگى جانە «Alliance française» قوعامدىق ۇيىمى سياقتى سەرىكتەستەرى ۇيىمداستىرادى.
