قازاقستاننىڭ شۆەيتسارياداعى ەلشىسى, بۇۇ بولىمشەسى مەن جەنەۆاداعى وزگە دە حالىقارالىق ۇيىمدارداعى قازاقستان رەسپۋبليكاسىنىڭ تۇراقتى وكىلى جانار ايتجانوۆا ساۋدا جانە قورشاعان ورتا بويىنشا دسۇ كوميتەتىنە باسشىلىققا تاعايىندالدى.
«بۇل تاعايىنداۋ دسۇ-عا مۇشە مەملەكەتتەردىڭ قازاقستانعا دەگەن جوعارى سەنىمىن كورسەتەدى», – دەلىنگەن قر سىرتقى ىستەر مينيسترلىگىنىڭ حابارلاماسىندا.
2017 جىلى 11-14 جەلتوقساندا بۋەنوس-ايرەستە (ارگەنتينا) وتەتىن XI دسۇ مينيسترلىك كونفەرەنتسياسىنا دايىندىق اياسىندا دسۇ ورگاندارىنىڭ جاڭا توراعالارىنا مينيسترلىك كونفەرەنتسيادا تابىستى ناتيجەلەرگە قول جەتكىزۋ ءۇشىن ۇيىم مۇشەلەرى اراسىنداعى تالقىلاۋلاردى جانداندىرۋدا ۇلكەن جاۋاپكەرشىلىك جۇكتەلەدى.
ايتجانوۆانى ساۋدا جانە قورشاعان ورتا بويىنشا دسۇ كوميتەتىنىڭ ءتورايىمى ورنىنا ايماقتىق ازيالىق دامۋشى ەلدەر توبى ۇسىندى, بۇل توپقا قازاقستان 2016 جىلدىڭ قاراشا ايىندا قوسىلدى.
