عۇرىپتىق راسىمگە ارنالعان قولا شىراعدان جۇقا سەلدىر كونۋس ءتارىزدى تىرەۋىش, جانۋارلاردىڭ ءمۇسىنى بار دوڭگەلەك تاباق, ساداق ۇستاعان سالت اتتىنىڭ ءمۇسىنى جانە تۇتىكشەلى تۇعىردان تۇرادى. قازىرگى تاڭدا بۇل جادىگەردىڭ مەكەنى – ەلورداداعى ۇلتتىق مۋزەي.
بەينەسىنە قاراي وتىرىپ, شىراعداننىڭ عۇرىپتىق راسىمگە ارنالعانىن بايقاۋعا بولاتىنداي. اسىرەسە جانۋارلاردىڭ ءمۇسىنى بار ءدوڭگەلەك تاباقتا ەرەكشە كومپوزيتسيالىق بىرلىك بار. باستارىن سول جاققا بۇرىپ ورنالاستىرعان ون بەس بۇقا مەن قولىنا ساداق ۇستاپ تۇرعان سالت اتتىنىڭ ءمۇسىنى كورەرمەندى ءتۇرلى ويلارعا جەتەلەيدى. كوپشىلىك عالىمدار سالت اتتىنى ميفولوگيادا كەزدەسەتىن كۇن قۇدايى ميتراعا تەڭەيدى. ال شىراعدان تاباعى – ول مەكەن ەتەتىن تاۋ. ايتا كەتەيىك, ءجادىگەر ءبىزدىڭ داۋىرىمىزگە دەيىنگى ءىىى-ءى عاسىردىڭ ەنشىسىنە تيەسىلى. وسى زاتپەن بىرگە تابىلعان كوپتەگەن تۇرمىستىق بۇيىمدار قازىرگى الماتىنىڭ ورنىندا بۇرىن دا ۇلكەن قالا بولعانىن ايعاقتايدى.
ايگۇل سەيىلوۆا,
«ەگەمەن قازاقستان»
