فورۋمعا «ەگەمەن قازاقستان» گازەتىن الا كەلگەن وبلىس اكىمى جانسەيىت تۇيمەباەۆ قاتىسۋشىلار الدىندا پرەزيدەنتتىڭ ماقالاسىنان ءۇزىندى وقىپ بەردى. «پرەزيدەنت ماقالاسىندا جاڭعىرۋ پروتسەسىنىڭ دە ناقتى ماقسات-مىندەتتەرى, باسىمدىقتارى مەن وعان جەتكىزەتىن جولدارى بار ەكەنىن اتاپ ءوتتى. ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس. بۇل ساياسي جانە ەكونوميكالىق جاڭعىرۋلاردى تولىقتىرىپ قانا قويماي, ولاردىڭ وزەگىنە اينالاتىنى ايتىلعان ەلباسى ماقالاسىندا. بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس, ادامدارىنىڭ باسەكەلىك قابىلەتىمەن ايقىندالادى. ماقالادا ايتىلعان ماڭىزدى ءماسەلەلەردى جاس ۇرپاققا ايتا جۇرىڭىزدەر, ارداگەرلەر ارقىلى جاستاردىڭ قۇلاعىنا جەتسىن», دەدى وبلىس باسشىسى. سونداي-اق, ج.تۇيمەباەۆ وبلىس ەكونوميكاسى مەن مادەنيەتىن, ءبىلىمىن دامىتۋدا بۇل تاريحي ماڭىزدى قۇجات ناقتى باعدار بولۋى ءتيىس ەكەنىن جەتكىزدى. فورۋمعا قاتىسۋشى زيالى قاۋىم وكىلدەرى مەن ارداگەرلەردى مەملەكەت باسشىسىنىڭ يدەيالارىن قولداپ, ونى بەلسەندىلىكپەن جۇزەگە اسىرۋعا شاقىردى. قاتىسۋشىلارعا «ەگەمەن قازاقستان» گازەتى تاراتىلدى.
باسقوسۋ بارىسىندا ءسوز العان وبلىستىق ارداگەرلەر كەڭەسىنىڭ توراعاسى جەڭىسبەك ماۋلەنقۇلوۆ ەلباسىنىڭ بۇل ماڭىزدى ماقالاسىندا حالىقتى تولعاندىرىپ جۇرگەن ماسەلەلەردىڭ بارلىعى كورىنىس تاپقانىن اتاپ ءوتتى. جالپى ماقالاعا قاتىستى پىكىر بىلدىرۋشىلەر ەلەۋلى ەڭبەكتە ايتىلعان ۇلتىمىزدىڭ مادەنيەتىن جاڭعىرتۋدىڭ جاڭا قادامدارىنىڭ ناقتىلانعانىن, الداعى ۋاقىتتا قازاقتىڭ سالت-ءداستۇرى, مادەني كودى بولاشاعىمىزدىڭ نەگىزگى باعدارى دەگەن تۇعىرناما رەسمي تۇردە پايدا بولاتىنىن, ال 2018 جىلدان باستاپ ەلىمىزدە لاتىن الىپبيىنە كوشۋ پروتسەسى باستالاتىنىن قىزۋ قولدادى. سونداي-اق, ارداگەرلەر باعدارلامانىڭ جالپىۇلتتىق ءپاتريوتيزمنىڭ ناعىز وزەگىنە اينالاتىنىنا سەنىمدى.
− ەلباسىنىڭ «بولاشاققا باعدار: رۋحاني جاڭعىرۋ» دەپ اتالاتىن بۇل ماقالاسىن جولداۋ رەتىندە قابىلداساق تا بولادى. تەك رەسمي اتاۋى وزگەشە. ماقالادا وتكەنگە شولۋ, بۇگىنگىنى باعامداۋ, كەلەشەككە كوز تاستاۋ بار. تاريحي ماڭىزى بار ەڭبەكتە ەلىمىزدىڭ بارلىق نەگىزگى اسپەكتىلەرىن قامتيتىن دۇنيەلەر ايتىلعان. وسىلاردىڭ ىشىندە ايرىقشا ەكى ماسەلەنى اتاپ وتكىم كەلەدى. ءبىرىنشىسى – «تۋعان جەر» باعدارلاماسىن ۇسىنۋى. راسىندا دا, كەڭ بايتاق جەرىمىزدە قىر-سىرى بەيمالىم ءتۇرلى قازىنالار مەن تارلان تۇلعالار بار. مەملەكەت باسشىسىنىڭ وسى ۇسىنىسى مۇنداي دۇنيەلەردى كەڭىنەن ناسيحاتتاۋعا مۇرىندىق بولار ەدى. ونىڭ ۇستىنە اتالعان باعدارلاما جالپىۇلتتىق ءپاتريوتيزمنىڭ ناعىز وزەگىنە اينالادى دەپ وتىر. بۇل ءبىر جاعىنان جات يدەولوگيالاردان قورعاناتىن قورعانىمىز بولسا, ەكىنشى جاعىنان وشكەنىمىز جانىپ, جوعالعانىمىزدى تۇگەندەيتىن مۇمكىندىك. ەكىنشىسى – «جاھانداعى زاماناۋي قازاقستاندىق مادەنيەت» جوباسى. جوبانىڭ نەگىزگى باسىمدىلىعى – قازاقستاندى مادەني جاعىنان تانىتۋ. سونىمەن قاتار, الەمدىك وركەنيەت تۇتىناتىن تىلدەردى يگەرىپ, دۇنيە دۇربەلەڭىندە ەلىمىزدىڭ وزگە مەملەكەت تەرەزەسىمەن تەڭ تۇرۋى. بۇل باعىتتاعى جۇمىستاردا ناسيحاتتاۋدىڭ تىڭ تۇرلەرىن تاۋىپ, جۇيەلى جۇمىس جاسايتىن جۇرتشىلىقتى جۇمىلدىرۋ. ءبىز مۇنداي وزگەرىستەرگە وتە بەيىم حالىقپىز. ويتكەنى قازاق جەرىندە تالاي مادەنيەتتەر توعىسىپ, قانشاما ۇلتتار ۇيىعان. سوندىقتان, مەن دە بارشا قازاقستاندىقتار, اسىرەسە, جاس ۇرپاق جاڭعىرۋ جونىندەگى وسىناۋ ۇسىنىستاردىڭ ماڭىزىن تەرەڭ ءتۇسىنەدى دەگەن ۇمىتتەمىن, – دەدى ماقالاعا قاتىستى پىكىرىن بىلدىرگەن شىمكەنت قالالىق ارداگەرلەر كەڭەسىنىڭ توراعاسى يسامۋددين رىسباي.
فورۋمعا قاتىسۋشى 300-دەن استام ارداگەر الداعى ۋاقىتتا ەلباسى ەڭبەگىن ەل اراسىندا ناسيحاتتاۋعا, باياندى باستامالاردىڭ جۇزەگە اسۋىنا ۇيىتقى بولۋعا, ءوز ۇلەستەرىن قوسۋعا نيەتتى. بۇل ورايدا وڭتۇستىكتە 750 باستاۋىش ۇيىمى بار ارداگەرلەر كەڭەسىنىڭ 222 مىڭنان استام مۇشەسى كەيىنگى ۇرپاق اراسىندا ناسيحاتتى كۇشەيتپەك. جيىن سوڭىندا وبلىس پەن قالاعا ەڭبەك سىڭىرگەن بىرقاتار ارداگەرلەر وبلىس اكىمى ج.تۇيمەباەۆتىڭ العىس حاتى جانە قۇرمەت گراموتاسىمەن ماراپاتتالدى.
عالىمجان ەلشىباي,
«ەگەمەن قازاقستان»
وڭتۇستىك قازاقستان وبلىسى
