وسى ورايدا, مينيستر قازاقستانعا تاجىريبە الماسۋ مەن تەحنيكالىق مۇمكىندىكتەر ءۇشىن جاعداي جاسالىپ, الدىڭعى قاتارلى ساراپشىلار تارتىلىپ, بىرلەسكەن زەرتتەۋلەر جۇرگىزۋگە جول اشىلاتىنىن اتاپ ءوتتى.
ءوز كەزەگىندە قر سىرتقى ىستەر ءمينيسترىنىڭ ورىنباسارى اقىلبەك كامالدينوۆ اتالعان ءسامميتتى وتكىزۋ باستاماسىن باستاپقىدا يىۇ باس حاتشىسى كوتەرگەنىن, شارانى پاكىستان ۇيىمداستىرۋى تيىستىگىن جەتكىزدى. الايدا, بۇل ەل وزىنە وسى مىندەتتى الۋعا قاۋقارسىز بولدى.
«قازاقستان پرەزيدەنتى نۇرسۇلتان نازارباەۆ ءسامميتتى وتكىزۋ بويىنشا بارلىق مىندەتتەمەنى الۋ تۋرالى شەشىم قابىلدادى. وسى ورايدا شارانى ۇيىمداستىرۋ تۇرعىسىندا جۇمىس جوسپارىن بەكىتتى. بۇل باعىتتاعى جۇمىستار بويىنشا سىرتقى ىستەر مينيسترلىگى نەگىزگى ازىرلەۋشى بولىپ تابىلادى. ءسامميتتى وتكىزگەنگە دەيىن اعا لاۋازىمدى تۇلعالاردىڭ بىرقاتار كەڭەستەرى وتەدى», - دەدى كامالدينوۆ.
سونىمەن قاتار ول اتالعان شارانىڭ قارساڭىندا قر ءبىلىم جانە عىلىم مينيسترلىگىنىڭ قامقورلىعىمەن ۇلكەن عىلىمي-تاجىريبەلىك كونفەرەنتسيا ۇيىمداستىرىلاتىنىن اتاپ ءوتتى.
«سامميتكە مەملەكەت باسشىلارى شاقىرىلىپ وتىر. قازىرگى كەزدە قاتىساتىندىعىن راستاعان ەلدەردىڭ ءتىزىمىن قۇرىپ جاتىرمىز. بۇگىندە شاراعا كەلەتىندىگىن 10 مەملەكەت ماقۇلدادى», - دەدى ۆيتسە-مينيستر.
