شارا بارىسىندا «نۇر وتان» پارتياسى قىزىلوردا قالالىق فيليالى توراعاسىنىڭ ءبىرىنشى ورىنباسارى ءشارىپ ءابدىراحمانوۆ اتالعان اكتسيا 1 اي بويى جۇرگىزىلىپ, ونىڭ اياسىندا ۇوس ارداگەرلەرى, اسا مۇقتاج جالعىزباستى تىل ەڭبەككەرلەرى مەن قاريالاردىڭ الەۋمەتتىك-تۇرمىستىق ءماسەلەلەرىنىڭ جەدەل شەشىلۋى قولعا الىناتىنىن, سونداي-اق ۇوس باتىرلارىنا ارناپ ورناتىلعان ەسكەرتكىشتەر مەن مەموريالدى قالپىنا كەلتىرۋ جۇمىستارى جۇرگىزىلىپ, ارداگەرلەرگە دەگەن قولداۋلار پارتيا جانە جاسوتاندىقتار مەن ەرىكتىلەردەن قۇرالعان توپتار تاراپىنان جان-جاقتى كورسەتىلەتىنىن اتاپ ءوتتى.
دوڭگەلەك ۇستەل وتىرىسىنا «نەۆادا-سەمەي» قب قىزىلوردا وبلىسى بويىنشا ارداگەرلەر كەڭەسىنىڭ, «اۋعان سوعىسى ارداگەرلەرى مەن مۇگەدەكتەرى كەڭەسى» قوعامدىق بىرلەستىگىنىڭ وكىلدەرى, قالالىق ىشكى ساياسات, قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ ماماندارى قاتىسىپ, ۇسىنىس پىكىرلەرىن ورتاعا سالدى.
ارداگەرلەر پارتيانىڭ بۇل باستاماسىنا ريزاشىلىقتارىن ءبىلدىرىپ, الداعى ۋاقىتتا وسىنداي يگى ءىس-شارا جالعاسىن تابا بەرسە ەكەن دەگەن تىلەكتەرىن جەتكىزدى.
ەرجان بايتىلەس,
«ەگەمەن قازاقستان»
قىزىلوردا
