شيرەك عاسىر ىشىندە مەملەكەتتەرىمىز اراسىنداعى قاتىناستار جاقسى دەڭگەيگە كوتەرىلدى: ەكىجاقتى بايلانىستار دامۋدا, ەلدەرىمىزدىڭ سىرتقى ساياسات جانە بەيىندى ۆەدومستۆولارى اراسىنداعى ىنتىماقتاستىق نىعايۋدا, شارتتىق-قۇقىقتىق بازا كەڭەيۋدە, استانا حالىقارالىق قارجى ورتالىعىن قۇرۋ شەڭبەرىندە حالىقارالىق قارجى سالاسىنداعى ءوزارا ءىس-قيمىل ىلگەرىلەۋدە.
قازاقستان يرلانديانىڭ حالىقارالىق ينۆەستيتسيالاردى تارتۋ جانە جوعارى تەحنولوگيالار, كوممۋنيكاتسيا مەن اۋىل شارۋاشىلىعى سالالارىنداعى ترانسۇلتتىق كومپانيالاردىڭ جۇمىسى ءۇشىن قولايلى جاعدايلار جاساۋ بويىنشا زور تاجىريبەسىنە قىزىعۋشىلىق تانىتادى. كوپجاقتى ىنتىماقتاستىق پەن حالىقارالىق ۇيىمدار شەڭبەرىندەگى ءوزارا قولداۋ كورسەتۋ دە قازاقستان-يرلانديا قاتىناستارىنىڭ اسا ماڭىزدى بولىگى بولىپ تابىلادى.
جالپى, ەكىجاقتى ىنتىماقتاستىقتىڭ زور الەۋەتىن نازارعا الا وتىرىپ, قازاقستان يرلانديامەن جان-جاقتى قاتىناستاردى كۇشەيتۋگە جانە كەڭەيتۋگە باعىتتالعان سىرتقى ساياسي باعدار ۇستاناتىن بولادى, دەپ اتاپ كورسەتىلگەن كومميۋنيكەدە.
«ەگەمەن-اقپارات»
