بۇل جاڭا امبيتسيالىق باعدارلاما قازاقستاندىق ستارتاپتاردىڭ ساپاسى مەن ولاردىڭ بولاشاعىنا, اسىرەسە, جاستار جوباسىنا قاتىستى وزەكتى ماسەلەلەردى شەشۋگە باعىتتالعان.
Smart Zholy جوباسىنىڭ 10 فيناليسى وزدەرىنىڭ يننوۆاتسيالىق جوباسىن سينگاپۋردە بولاتىن ەكى اپتالىق باعدارلاما اياسىندا الەمنىڭ جەتەكشى تەحنولوگيالىق حابىندا ازيالىق ءىرى كورپوراتسيالار مەن ۆەنچۋرلىق قورلاردىڭ الدىنا ۇسىنا الادى.
Smart Zholy باعدارلاماسىنىڭ جەڭىمپازدارى الەمدىك دەڭگەيدەگى ساراپشىلاردىڭ تىكەلەي جەتەكشىلىگىمەن جاڭا جوبالار ازىرلەيدى. قازاقستاندىق كوماندالار سينگاپۋرلىق ستارتاپ-ەكوجۇيەسىنىڭ ورتالىعى – اتاقتى Block 71-دە ورنالاسادى. ولار ورالعاننان كەيىن وزدەرىنىڭ وزىق تاجىريبەسىن ەلدىڭ ستارتاپ-ەكوجۇيەسىنە ەنگىزەدى.
Smart Zholy باعدارلاماسى وڭتۇستىك ازياداعى Echelon Asia Summit جەتەكشى ستارتاپ-الاڭىندا ءارىپتەستىك نەگىزدە ءجۇزەگە اسىرىلادى.
– اتالعان جوبانى ىسكە اسىرۋ جاستاردىڭ ستارتاپتارىن تەك قانا قازاقستانعا ەمەس, الەمدىك نارىققا شىعارۋ, مەملەكەت باسشىسىنىڭ جولداۋىندا قويىلعان ەكونوميكانى جەدەل جاڭعىرتۋ جانە تسيفرلىق ەكونوميكا قۇرۋ ءمىندەتىن ورىنداي وتىرىپ, استانانى تەحنولوگيالىق كارتاداعى جاڭا نۇكتە رەتىندە كورسەتە ءبىلۋ, – دەيدى اتقارۋشى ديرەكتورى قانات جۇماباەۆ.
باعدارلاماعا قاتىسۋ ءۇشىن 2017 جىلدىڭ 12 ساۋىرىنە دەيىن ءوتىنىم بەرۋ قاجەت. باعدارلاما تۋرالى اقپارات ءجانە ءوتىنىم نىسانى www.fpp.kz. سايتىندا ورنالاستىرىلعان.
قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى اتالعان باعدارلامانىڭ 10 فيناليسىنىڭ قارجىلىق شىعىنىن وتەيدى.
جولدىباي بازار,
«ەگەمەن قازاقستان»
