باسقوسۋدا قازاقستان ەلشىسى ەرعالي بولەگەنوۆ تۇڭعىش پرەزيدەنت – ەلباسى نۇرسۇلتان نازارباەۆتىڭ باسشىلىعىمەن ەلىمىزدىڭ دامۋى, بيلىك تارماقتارى اراسىندا وكىلەتتىكتەردى قايتا ءبولۋ جونىندەگى كونستيتۋتسيالىق رەفورمالار, ەلباسىنىڭ قازاقستان حالقىنا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى تۋرالى ەگجەي-تەگجەيلى ايتىپ ءوتتى.
سونداي-اق, ە.بولەگەنوۆ ۇلى وتان سوعىسى كەزىندە ۆولكوۆىسك قالاسىن جاۋدان ازات ەتۋ كەزىندە ەرلىكپەن قازا تاپقان قازاقستاندىق كەڭەس وداعىنىڭ باتىرى قازبەك نۇرجانوۆتىڭ ەرلىگىن ۇمىتپاي قاستەرلەپ جۇرگەندەرى ءۇشىن ۆولكوۆىسك قالاسىنىڭ باسشىلىعى مەن تۇرعىندارىنا, سونىمەن بىرگە, جاستارعا ۇلكەن العىسىن ءبىلدىردى.
ايتا كەتەيىك, ۆولكوۆىسك جانىنداعى باۋىرلاستار زيراتىندا ق.نۇرجانوۆقا ارناپ ەسكەرتكىش ورناتىلعان جانە سول قالانىڭ «يۋجنىي» شاعىناۋدانىنداعى كوشەلەردىڭ بىرىنە باتىردىڭ ەسىمى بەرىلگەن. 1978 جىلدان بەرى جىل سايىن وتان قورعاۋ كۇنى قارساڭىندا وليمپيادالىق رەزەرۆ-
تەگى №1 مامانداندىرىلعان بالالار-جاسوسپىرىمدەر مەكتەبىندە كەڭەس وداعىنىڭ باتىرى ق.نۇرجانوۆتىڭ كۋبوگىنا ارنالعان جەڭىل اتلەتيكادان وبلىستىق جارىستار وتكىزىلىپ تۇرادى. بۇل شاراعا قازاقستان ەلشىلىگى جىل سايىن قاتىسىپ, ۇيىمداستىرۋشىلار مەن قاتىسۋشىلارعا اۋىسپالى كۋبوگتى, باعالى سىيلىقتار مەن جۇلدەلەردى تاپسىرىپ وتىرادى.
