ەلباسى نۇرسۇلتان نازارباەۆتىڭ «G-Global: XXI عاسىر الەمى» كىتابىنداعى «G-Global باستاماسى ادامزات تاعدىرى تۋرالى عالامدىق پىكىرتالاستى وزەكتى ەتۋگە, قازىرگىدەن دە قاۋىپسىز الەمدەگى پروگرەسس پەن بولاشاق ءۇشىن سىندارلى نەگىزدە بارلىق وزىق كۇشتەردى بىرىكتىرۋگە قابىلەتتى» دەگەن بايسالدى پىكىرى بۇگىندە جاھاندانۋ يدەياسىنا اينالعان. سونىڭ ءساتتى كورىنىسى اتالمىش فورۋم اياسىندا جان-جاقتى ايقىندالدى.
نەگىزگى سەگىز باعىتتان تۇراتىن فورۋمنىڭ باستى وقيعاسى – «امانات» سىيلىعىنا كانديداتتاردى ىرىكتەۋ. قىزمەتى جالپى ادامي قۇندىلىقتاردى نىعايتۋعا سەپتىگىن تيگىزەتىن ادامداردىڭ الەۋمەتتىك-ەكونوميكالىق جانە قوعامدىق ءومىر سالاسىندا ەلەۋلى ۇلەس قوسقانى ءۇشىن تابىستالاتىن سىيلىقتىڭ جەڭىمپازدارى تامىز ايىندا ەكسپو-2017 حالىقارالىق مامانداندىرىلعان كورمەسى اياسىندا ماراپاتتالاتىنى فورۋم اياسىندا رەسمي جاريالاندى.
كەلەلى كەڭەستى اشىپ, فورۋم جۇمىسىنا ساتتىلىك تىلەگەن ايماق باسشىسى ەرلان قوشانوۆ ەلباسى ۇسىنعان «G-Global» باستاماسىنا بۇگىندە الەمدىك ساياسي ينستيتۋتتار, جاھاندىق ساياساتكەرلەر, نوبەل سىيلىعىنىڭ لاۋرەاتتارى, ىقپالدى ساراپشىلار وڭ پىكىر ءبىلدىرىپ وتىرعانىنا توقتالدى. ميلليونداعان پايدالانۋشىلار «G-Global» پلاتفورماسىنا كىرۋدە. ال, ونىڭ يدەيالارى ورىس, اعىلشىن, نەمىس, باسقا دا ەۋروپا ءتىلدەرىنە اۋدارىلدى. بۇنىڭ ءوزى يگى باستامانى جان-جاقتى قولداۋدى كورسەتەدى, دەدى اكىم.
فورۋم مىندەتتەرىنە سايكەس, G-Global حالىقارالىق جوباسىن ىلگەرىلەتۋ – ەلباسىنىڭ «G-Global: XXI عاسىر الەمى» كىتابىنىڭ تۇساۋكەسەرىن وتكىزۋ, ەكسپو-2017 حالىقارالىق كورمەسىن جانە «جاسىل كوپىر» ءارىپتەستىك باعدارلاماسىن ناسيحاتتاۋ بولماق.
ءىس-شاراعا 800-دەن استام ادام قاتىسىپ, فورۋم دەلەگاتتارى قازاقستان حالقى اسسامبلەياسىنىڭ قازاقتىڭ باي مادەنيەتىنە ارنالعان « ۇلى دالا قازىناسى» اتتى كورمەسىن تاماشالادى. سونداي-اق, جيىن بارىسىندا «الەمدىك كىلەم» ەرەكشە پاننوسى تانىستىرىلدى. وندا جاسى, ەتنوسى جانە ءدىني نانىمدارى ءارتۇرلى قولونەر شەبەرلەرىنىڭ ەڭبەكتەرى كوپشىلىك نازارىنا ۇسىنىلعان.
ميراس اسان,
"ەگەمەن قازاقستان"
قاراعاندى وبلىسى
